Lenaneo la polasa ke lenaneo la dithoto - se sengwe le se sengwe sa mohola - seo se ka rekišwago. Lenaneo la lenaneo le ka akaretša thekišo ya selo, mohola wa thoto, ngwaga o e rekilwego, bophelo ka moka bo bo letetšwego le phokotšegotheko ka boleng.
Go Dirwa Lenaneo Bjang
Lenaneo ka kakaretšo le dirwa gatee ka ngwaga gomme le akaretša go bala ga se sengwe le se sengwe seo se le go ka polaseng, go akaretšwa dihektare tša naga, ditone tša mabele ka thotong, diphoofolo bjalobjalo. Lenaneo le tla akaretša mohola wa tšhelete ka Ranta la dithoto.Sepela go ralala polase gomme o dire tlhatlhobo ya dithoto ka kakaretšo. Dira lenaneo goba papetlatšhomelo ya dilo go ya ka magoro a magolo a go swana le meago, naga, metšhene, didirišwa, ditlabakelo le dithoto.
Dintlha tša Lenaneo la Polasa
Lenaneo gantšhi le na le dintlha tše di latelago:Bogolo bja polasa, tokelo ya go ba mong, bogolo bja naga yeo e šomišetšwago temothuo le tekanyo ya yuniti ya tšweletšo.
Tlhalošo le tekanyo ya dikaonafatšo tše di tsepeletšego tša go swana le petse ye mpsha goba marulelo.
Dinamelwa, metšhene le didirišwa, gammogo le dipalo le mehuta goba mehlala.
Dipalo le mehuta ya diruiwa.
Dithoto, ditlabakelo le dinyakwapšalo tša go swana le peu, monontšha.
Ditšweletšwa tše di feditšwego le tša seka-pheletšo mathomong le mafelelong a ngwaga wa ditšhelete.
Mo dikholamong tša go arogana tša lenaneo laetša tše di latelago:
Ngwaga wo selo se sengwe le se sengwe sa thoto se rekilwego.
Theko ya thekišo ya selo se sengwe le se sengwe.
Bophelo ka moka bjo bo letetšwego bja metšhene goba didirišwa.
Go tloga fao bala phokotšegatheko ya selo se sengwe le se sengwe sa go šomiša mokgwa wa tšhomišo ya mola wa thwii goba mokgwa wa go fokotša boleng.
Bophelo Ka Moka bjo bo Letetšwego
Ka mo fase ke maphelo ka moka a a letetšwego a metšhene le didirišwa tše di dirišwago mo polaseng. Ka mašakaneng ke mohola wa go phološa bjalo ka phesente ya theko ya thekišo - mohola wa selo mafelelong a bophelo bja sona.Difatanaga - mengwaga ye 5 (10%)
Ditrekere - mengwaga ye 10 (10%)
Didirišwa - mengwaga ye 10 (10%)
Didirišwa - mengwaga ye 10 (0%)
Dipompo le metšhene ya mohlagase - mengwaga ye 15 (0%)
Translated by Lawrence Ndou