Lokusetjentiswa kwetibhidvo noma tjani lobonakele engadzeni noma epulazini kungenta intfo lenhle ngekubuka imphilo yemhlabatsi kanye nenhlanyelo. Umhlabatsi lombonyiwe unelikhula lelincane, futsi awutfoli somiso kunemhlabatsi lovulekile futsi netitjalo tihluma kahle.
Yini Tjani noma Tibhidvo Tekumbonya Umhlabatsi?
Lolokumbonya umhlabatsi yintfo lebekwa ngetulu kwemhlabatsi kwentela kunika kusebenta kwengubo. Kungaba kwekumbonya lokwakheke etintfweni letiphilako noma letingaphili. Sibonelo saloko ngumcuba, sigadla setjani lesidzala, emacembe, lokuncutsiwe, timvutfu tetigodvo, emaphephandzaba noma inhlanyelo legociwe yekumbonya. Kwekumbonya kwetintfo letingaphili kufaka igeotextile (tintfo telibala lelisetjentiwe), kuvala ngeliplasitiki, kanye nemathayi labutsiwe.
Lokutfolwa eTintfweni tekuMbonya
Tintfo tekumbonya tinciphisa kuhanguka lokusuka emhlabatsini, kuvikela kugedvuka kwemhlabatsi phindze kucindzetele kukhula kwelikhula. Tintfo letengetiwe tetibhidvo noma tjani lobonakele kungutsi kuyabola phindze kunike indlela yemanutrients kwentela tintfo letincane temhlabatsi, le ngengucuko kuniketa emanutrients kuletitjalo.
Kwekumbonya umhlabatsi lokwakheke ngetintfo letingaphili letifana nemaplasitiki tivame kusetjentiswa netitjalo-letitsandza kushisa letifana nematamatisi kanye netitjalotemacandza njengoba tigcina lokufutfumala kwe mhlabatsi. Kuphindze kusetjentiswe ekuvikeleni titjalo letindze letifana nemagungumence kanye ne cucumber kwentela kutsi kungaboli phindze kugcineke kuhlobile. Kwekumbonya lokungaphili akunato tintfo letitfolwa emhlabatsini lovundzisiwe, kantsi futsi kunganciphisa umoya phindze kuphakamise kushisa emhlabatsini lokukhokhela ekubulaleni tintfo letincane letisemhlabatsini.
Kumele kutsatfwe kutsi lokusetjentiswa kwemcuba lolukhuni lofana netimvutfu tetigodvo, kungachubela ekutsatfweni kwenitrogen lesuka emhlabatsini kwentela kubolisa le carbon levutsiwe yetintfo tetigodvo. Sebentisa initrogen leyiseyinsha-tjani lobuvutsiwe lobuhhuliwe njengentfo yekumbonya tibhidvo engadzeni phindze kunciphise tindlela tetintfo kutsi titsambe natitsintfwa.
Indlela ye Kusebentisa Tintfo Tekumbonya Umhlabatsi noma Tibhidvo
Kwekumbonya kungatsengwa kepha kukahle ekusetjentisweni etintfweni letakhiwe etingadzeni noma epulazini njengentfo yekumbonya umhlabatsi. Sebentisa lokuncutsiwe lokusuka engadzeni yetitselo, emacembe, tjani lobuhhuliwe kanye netimvutfo tetigodvo kube yintfo yekumbonya. Kwekucala, susa lukhula bese umantisa lomhlabatsi kahle.
Faka lokwekumbonya ngetigadla, kusuka ku 2.5 cm kuya ku 15 cm ngekucina - kushiyane ngekutsamba kwetintfo. Kwekumbonya lokutsambile kumele kusakateke kube ngu 5 cm ngekushona phansi, tibe letintfo letifananemagcolo tingaba ngu 10 cm kushona phansi. Faka lokwekumbonya cishe kube ngu 15 cm ngekukhwesha eluhlangeni lwesitjalo kanye netihlahla njengoba loku kungabanga kubola ngenca yekufutfumala lokungakhiwa ngulotjani.
Nawusebentisa emaphephandzaba njengentfo yekumbonya, sebentisa lamane kuya kulasiphohlongo emakhasi wemaphepha ekufutfumala bese umbonya ngalokunye kwekumbonya lokwakheke etintfweni letiphilako. Kwekumbonya kungasetjentiswa lapho khona inhlanyelo lembonywako ihlanyelwa engadzeni yetitselo. Kufana nekutsi, kungajutjwa bese kuyalinywa emhlabatsini kwentela kunika umcuba loluhlata phindze njengentfo yekumbonya noma kugocotwe kwentela kuniketa initrogen-kuvundza lokuvutsiwe kwetintfo tekumbonya.
Translated by Phindile Malotana