Kutsengiswa kwe Nhlanyelo ye Cereal

©Eric Miller
Imakethe yecereal ishintja ngekuphangisa, lokwenta lushintjo lolukhulu lwemali. Kulukhunu kunciphisa tingoti ngesikhatsi sekukhicitwa kwenhlanyelo, letifana ne canola noma ibarley, lapho khona lemakethe ikhuliswe batsengi labahamba ngamunye. Ikageng Maluleki, lowatingetemnotfo lomncane ku Grain SA, uniketa letintfo letilandzelako encwadzini yakhe, The ABC of Marketing Your Crop – ema ABC ekuMaketha Inhlanyelo Yakho, kubalimi labakhicita inhlanyelo ngemakethe legucukako, kufana nemabele, ummbila noma emabhontjisi:

Kugcina Ebhilidini Lelidze Lelisepulazini Lelilusito

Ngemuva kwekuvuna, balimi bangagcina tinhlavu tabo kumabhilidi lamadze lalusito kutsi batsengise ngesikhatsi emanani asancono. Kubita kwalokugcina kanye nekunaka letinhlavu kanye nemali lengatfolwa ngeca yekutsengisa muva, kungahle nomakunjalo kungachazi lenandlela.

Kugcina Ebhilidini Lelidze Lelisepulazini lakho

©Glenneis Kriel
Letinhlavu tingagcinwa ebhilidini lelidze lelisepulazini lakho, kepha lemali lenkhulu lefakwako ledzingelwa kwakha lelibhilidi lelidze alichazi lokubita kubalimi labaningi. Ngaphandle kwaloku, wena wedvwa utobhekana phindze unakekele letinhlavu letikulelithawa lelidze lakh, lelapho tati tiyacashwa kutsi tente njalo kumathawa labacashelwe wona.

Kugcina Kutikhwama Lekufakwa kito

Tinhlavu tingafakwa etikhwameni tekugcinela, letishiphile kunelibhilidi lelidze. Balimi kumele bagcine etingcondvweni tabo, nomakunjalo, kutsi lelinani letinhlavu tingabakabi ngekuhamba kwesikhatsi lesidze.

Imibhalo yetivumelwano Yekucala-Yekuvuna

Umbhalo loletfwa phambili sivumelwano phakatsi kwemaphathi lamabili kutsi atsenge noma atsenge noma nguluphi luhlobo lwalokutsengwako ngendlela yelikusasa ngesikhatsi, kuvame kuba ngelinani lelibekiwe. Lolokutfolwako lokukhulu kungukutsi uphephise imakethe yemkhicito wakkho, kepha angeke uhlephulelane ngelinani lelitsandvwako futsi ukhone kwetfula lenombolo leyentiwe. Umlimi, ngekusebenta, kungadzinga kutsi abhadale imali leyengetiwe noma atsenge sisindvo kulabanye bakhiciti kwentela kwakhela lapho ashode khona kumkhicito wakhe.

Sebentisa Lendzawo kanye neMakethe Yelikusasa

Balimi labangafuni kugcinaa tinhlavu tabo, bangatitsengisa kulendzawo yemakethe ngemuva kwesivuno bese batsenga likusasa, kutfola imali ngetindlela leticondzile temanani lanyakatako, langavela muva. Lengoti yaloku kungukutsi lelinani lemakethe lingehla bese likhokha kulahlekelwa.

Sebentisa Likusasa kanye Naletinye tindlela

Balimi bangatisita balwe ngekukhuphuka kwemanani ngekutsi batsngise ku Commodity Derivatives Market, lebitwa ngekutsi yi Safex. Kumalungiselelo latiwako ebalimi kutsi batisite ngenhlavu yesitsatfu ngaphambi kwekuhlanyela kwentela kumbonya kubita kwemikhicito yabo bese batisita ngalolokusele muva ngesikhatsi lesibekwe ekunyakateni kwelinani. Lokuncono kutsi batsatse le “likahle” linani lelihambisana nekubita kwemkhicito kuhekitha linye. Kumela emanani kutsi akhule aye etulu phindze nasetulu kungakhokha ekushiyekeni kumatfuba.
Kuvama kudzingga kwati lokuningi ekutsengiseni kulenandlla, njengoba nje udzinga kwati kutsi kwentekani emakethe yamhlabawonkhe. Balimi, ngalesisizatfu bacasha batsengisi, lokunekubita kwako, kutsi babatsengisele esikhundleni sabo.

Kudla Kwetilwane

©Glenneis Kriel
Ngesikhatsi emanani aphansi, kungenta umcondvo kutsi ungamane uphe letitjalo tilwane takho lotifuyile noma utitsengise njengekudla kubalimi. Kubita kwekudla kwetilwane nako kuyenyuka, ngako ayikho indlela kutsi kutokhokha kutfolwa kwemali lekahle ngesikhatsi lokubita kwenhlanyelo kuphansi.

Translated by Phindile Malotana