Imakethe yeenthoro itjhuguluka msinya, okunomphumela wokobana iintengo ziyephasi naphezulu. Kubudisi ukwehlisa iingozi zakho zokulahlekelwa yimali lokha nawukhiqiza iinthelo ezifana ne-canola nofana ibhali lapho imakethe izele khulu abathengi abathenga ngamunye ngamunye. U-Ikageng Malulek, ongusomnotho omncani e-Grain SA, unikele iinluleko ezilandelako emtlolweni, i-The ABC of Marketing Your Crop, ebalimini abakhiqiza iinthelo ezinamamakethe ahlukahlukeneko afana nekoroyi, isiphila nofana iimbontjisi.
Ukubulunga Ku-Co-Operation Silos
Ngemva kokuvuna abalimi bangabulunga iinthoro zabo ku-co-operation silos ukobana bawuthengise lokha iinthengo nasele zincono. Intengo yokubulunga neyeenthoro kunye neyokunakelela nokuphelelwa mdlandla ngonobangela wokuthengisa lada, kuungahle kwenze bona isiqunto lesi kungabi ngesihle.
Ukubulunga Ku-Silos Yakho
Iinthoro ungazibulunga ku-silos yakho, kodwana imali ephezulu efunekako ekwakheni i-silo ayinikeli isizathu sentengo yabalimi abanengi. Nangaphandle kwalokhu, nguwe ozokuba nomsebenzi wokobana unakekele bewulawule iinthoro ezingaku-silo yakho, lapho abosiyazi baqatjhwa khona bona benze umsebenzi loyo kuma-co-operative silos.
Ukubulunga Eenkhwameni Ze-Silo
Iinthoro zingabulungwa eenkhwameni ze-silo, ezibiza imali ephasi ukudlula i-silos. Abalimi kufanele bahlale bakhumbula bona ikhwalithi yeenthoro iyehla lokha nasolokho zibulungwe isikhathi eside.
Isivumelwano Se-Pre-Harvest Forward
I-forward contract sivumelwano hlangana namaphathi amabili sokuthenga nofana ukuthengisa ipahla ngesikhathi esibekiweko, nangenani elibekiweko. Inzuzo ekulu kukobana unayo imakethe ethembekileko ezokuthenga umkhiqizo wakho, kodwana angeze uthole iintengo ehle ngendlela ofuna ngayo bewube nomsebenzi wokunikela ubunengi ofubunekako. Umlimi, kungafanele abhadele ihlawulo nofana athenge umthamo ofunekako kwabanye abalimi ukwenzela bona akghone ukungezelela umkhiqizo otjhodako.
Sebenzisa I-Spot Ne-Future Market
Abalimi abangafuni ukubulunga iinthoro zabo, bangazithengisa ku-spot market ngemva kokuvuna bese bathenga ama-futures, ukuthola intengo ehle ekungathengwa ngawo nasele isikhathi sikhambile. Ingozi yalokhu kukobana intengo yemakethe iyehla bese kwenza bona abalimi balahlekelwe yimali.
Sebenzisa Ama-Futures Nama-Options
Abalimi bangazivikela eentengweni eziyaphasi naphezulu ngokurhweba ku-Commodity Derivatives Market, ebizwa nge-Safex. Kusisenzo esijayelekileko bona abalimi bavune okuthathu kweenthoro zabo ngaphambi kobana batjalele ukuvala iindleko ebazithweleko lokha nabakhiqizako bese bavuna okuseleko muva ngokuya kwentengo ekhambako. Indlela encono kuthatha iinthengo ezilungileko ezikhambisana neendleko zokukhiqiza qobe ihekthara. Ukulinda bona amanani ayephezulu kungarholela ekutheni ulahlekelwe ngamanye amathuba akhona.
Kudingeka ilwazi elinengi ukuthengisa kuplatfomu lee, njengombana udinga ukwazi bona kwenzekani emamakethe wephasi. Abalimi, ngalesi isizathu, baqatjha abarhwebi bona babarhwebele esikhundleni sabo, okusisenzo esidinga imali.
Ukudla Kweenlwane
Lokha iinthengo naziphasi, kwenza umqondo omuhle ukupha ifuyo yakho iintjalo nofana uyithengisele abanye abalimi njengokudla. Amanani wokudla kweenlwane ayehla abuye akhuphuke, ngalokho asikho isiqiniseko sokobana kungenziwa inzuzo encono ngeenkhathi lapho intengo yeentjalo nayiphasi.
Translated by Busisiwe Prudance Skhosana