Papatso e hodimo ya ho sa tsitsisehe, o fellang ka phaello e kgolo ya theko. Ho thata ho fokotsa dikotsi tsa hao ha uo hlahisa dijalo, tse kang canola kapa harese, moo maraka oka laolwang ke bareki ba le bang. Ikageng Malulek, moruo o monyenyane wa Grain SA, o ile wa fana ka ditlhahiso tse latelang sehloohong sa hae, The ABC ya Kgwebo ya tsona, ho dihwai tse hlahisang dijalo tse nang le dimmaraka tse ngata tse kang koro, poone kapa dinawa tsa soya.
Setsi sa Polokelo ya Di Silos
Kamora kotulo, dihwai di ka boloka dijo-thollo tsa bona di-silos ho rekisa nakong ya ditheko di ntlafetseng. Ditshenyehelo tsa polokelo le ho sebetsana le dijo-thollo le thahasello e lahlehileng ka lebaka la ho rekisa hamorao.
Ho Boloka Di-Silos tsa Teng
Dikotlolo di ka bolokwa ka di-silos tsa hao, empa chelete e phahameng ya ho tsetela qalehong e hlokahalang bakeng sa ho haha silo ha e dumellane le ditshenyehelo tsa dihwai tse ngata. Ntle ho sena, o tla ba le boikarabello ba ho sheba le ho laola dijo-thollo ka silo ya hao, athe ditsebi di hirilwe ho etsa di-silos tsa ho sebedisana.
Polokelo ya Silo ka Hara Mekotla
Peo e ka bolokwa ka mekotla ya silo, e leng theko e tlaase ho feta di-silos. Leha ho le jwalo, balemi ba lokela ho hopola hore boleng ba dijo-thollo bo tla senyeha ka nako e telele.
Kotulo ya Pele ho Ntshetsa Pele Dikonteraka
Kopano le tumellano ke tumellano pakeng tsa mekgatlo e mmedi ya ho reka kapa ho rekisa mofuta ofe kapa ofe wa thepa nakong e tlang, ka tlwaelo ka theko e behilweng. Molemo o moholo ka ho fetisisa ke hore o na le maraka e bolokehileng bakeng sa dihlahiswa tsa hao, empa o ke ke wa kopanela meketeng e metle ya theko mme o be le boikarabello ba ho fana ka boka hohle bo habilweng. Ha e le hantle, sehwai se ka nna sa tlameha ho lefa kotlo kapa ho reka dihlahiswa tse tswang ho dihlahiswa tse ding ho etsa dikgaello tsa tlhahiso.
Tshebedisa ya Letheba le ho Maketela nako e Tlang
Dihwai tse sa batleng ho boloka dijo-thollo tsa tsona, di ka rekisa mmarakeng ka mora kotulo ebe di reka bokamoso, ho di kenya ka mekgahlelo e mentle ya ditefiso, e ka nang ya etsahala hamorao. Kotsi ya sena ke hore ditheko tsa mmaraka di ka fokotsa mme jwale di fella ka tahlehelo.
Sebedisa Kgetho e Itseng le Bokamoso
Dihwai di ka itlama ka ho fetoha ha theko ka kgwebo ka Mmarakeng wa Tlhahiso ya dihlahiswa, o bitswang Safex. Ho tlwaelehile hore dihwai di kwahele hoo e ka bang karolo ya boraro ya dijo-thollo pele di lema ho kwahela ditshenyehelo tsa tsona tsa tlhahiso ebe di pata ba bang hamorao nakong ya selemo ka theko ya ditefiso. Ntho e molemo ka ho fetisisa ke ho rarolla theko ya "leeme" mabapi le ditshenyehelo tsa dihlahiswa tsa hao ka dihekthara. Ho letela ditekanyetso ho nyoloha hodimo ho feta ho ka fella ka menyetla e hlokahalang.
Ha e le hantle ho hlokahala tsebo e ngata ya ho rekisa sethaleng sena, kaha o hlile o hloka ho tseba se etsahalang mmarakeng wa lefatshe. Bahwai, ka lebaka lena, hangata ba hira barekisi, ba lefang tefiso, ho ba rekisi.
Phepo ya Diphoofolo
Ha theko e le tlase, ho ka nna ha eba ho utlwahalang ho ena le ho fepa chai ya diphoofolo kapa ho e rekisa e le dihlahiswa ho dihwai tse ding. Ditheko tsa diphoofolo le tsona diya fetoha, ka hona ha ho tiiso ya hore e tla fella ka moputso o molemo nakong ya ha theko ya dijalo ha ele tlaase.
Translated by Sebongile Sonopo