Emabele akadzingi kuniselwa kepha kufanelwe ahlanyelwe uma umhlabatsi ungomanga. Yenta ncono kunembila ngesikhatsi sesomiso. Angahlanyelwa ashintjane naletinye titjalo letikhipha lokusanhlavana (njenge tindlubu) tisitwe ngule nitrogen lephuma lapho.
Emabele akhula etindzaweni lapho imvula inetsa kakhulu noma endzaweni lapho imvula inganetsi khona kakhulu futsi kufanelwe ihlanyelwe 2.5 cm (sikhala semunwe emhlabatsini losindzako) kuya ku 5 cm (emhlabatsini loyisanti) ngekushobela. Emabele ayakhona kuphila ehlabatsini logcwele tifo lapho khona letinye titjalo tifa khona.
Emabele awavani neligciwane netifo letingenta kutsi sivuno sibe sincane, kepha singavikelwa ngekutsi usebentise inhlanyelo lengenato tifo futsi nenhlobo yenhlanyelo lekhona kumelana netifo. Futsi gadza kutsi emabele awangenwa yi Chilo borer, maize stalk borer, aphids, ne bollworm.
Kuvuna Emabele
Kuvle ufake tilwane kutsi tidle ngiyo indlela lengaduli yekuvuna iForage – tilwane tingavele titidlele! Kuvuna ngemushina kukahle kuvuna emabele ekwenta silage, kepha uma uvuna inhlamvu kungentiwa ngesandla netinhloko tiyomiswa esiyilweni. Uma sonkhe lesihlahla sijubwa, siyekele ensimini emalanga langu 10 kuya ku 14, bese uyakushaya khona utohlukanisa inhlanyelo naloko lokusalako.Inhlanyelo kufanele ihlelwe – kuyisula ematje, tilwanyana nalokunye lokungatsingeki – ingakapakishwa. Beka nayomile, uyigcine ingahlangani netilwane noma tilwanyane.
lokulihlata sivuno sakhona singaba ngu 20t/ha kuya ku 75t/ha phansi kwesimo lesikahle.
tinhlamvu temabele tihlukaniswa ngekwemsebenti wato futsi ikhonela kudliwa, nalokunye lokunyenti.Translated by Thandokuhle Motha