Kukhetsa Lihlobo Lengulube

©Glenneis Kriel
Black skinned breeds are less vulnerable to sunburn than improved breeds.
Nawucala liplazi letingulube, kufanele ukhetse lihlobo lengulube letofanelwa lwati lonalo. Bodokotela Jim Robinson kanye na May-Louis Penrith lababhala incwadzi lebitwa ngekutsi yi Pigs for Profit, tinhlobo tetingulube tingachazwa ngetindlela letimbili, letingakentiwa lutfo naleto letitfutfukile.
Leti letingakentiwa lutfo, esikhatsini lesinyenti titfolakala khona lana ekhaya noma nguleti takadzeni. Letitfolakala lana ekhaya iKolbroek noma SA Landrace, leti atidzingi kunakwa kakhulu. Kepha leti letitfutfukisiwe nguleti tanyalo, letifaka ekhatsi iLarge White noma Duroc, leti isikhatsini lesinyenti tentelwa emabhizinisi. Leti letingakentiwa lutfo tikahle uma usacala kufuya tingulube ungenalo lwati kakhulu, ungenayo indlu lekahle yekufuya nekudla kwekondla tingulube. Noma unebantfu labafuna loluhlobo lwetingulube. Lokunye, ngeke kufanele kutsi uhambise tonkhe tingulube takho nawufuna kutfutfuka, kepha ungavele usebentise tindlela tesimanje kutsi utfutfukise imidlwane yengulube.

Lihlobo Lelingakentiwa lutfo

Lelihlobo ujwayele kulibona ngesikhumba lesimunyama noma lesimacabhacabha, loku kutenta tingabi sengotini yekushiswa lilanga. Esikhatsini lesinyenti ticinile, tiyakhona kumelana netimo letimatima. Futsi atidzingi kunakekelwa kakhulu, loku kutenta kutsi kube ngito letikahle kakhulu kutsi tinganakekelwa endzaweni lesemakhaya. Phindze tidzinga emanti nekudla lokuncane, kepha njengenjwayelo, tikhula kahle takhulu uma utinakekela kahle.
Noma leti esikhatsini lesinyenti tiba bomake labakahle, esikhatsini lesinyenti titala imidlwane lemincane ingaba ngu5 noma8, kepha ingaba minyenti uma tidla kahle. Lenye inkinga yato kutsi esikhatsini lesinyenti kutsi tincane ngebukhulu futsi tinenafutsa kakhulu. Loku kwenta kutsi kube mcoka kutsi utfole indzawo letsandza lena nyama, ungakafuyi lena nhlobo yetingulube.

Lihlobo Lelitfutfukile

©National Pork Board and the Pork Checkoff. Des Moines, IA USA.
Lelihlobo letingulubo lijwayele kuba mhlophe netinwele letimhlophe letitsambile, loku kutenta tibe sengotini yekushiswa lilanga. Tisheshe tivele uma lilanga lishisa kakhulu. Atikhoni kumelana nebundzima njengaleti letinye, tisheshe tigule, tidzinga kunakekelwa kahle, utiphe kudla lokukahle, kanye nemanti kuze tente kahle. Lokukahle ngato kutsi, tikhicita kakhulu, tingatala imidlwane lengu10 kuya etulu ngesikhatsi sinye. Kepha ngalesinye sikhatsi tifuna kusitwa kukhulisa badlwane. Tikhipha emafutsa lamancane kepha inyama iba yinyenti.

Translated by Thandokuhle Motha