Lokha Nawukhetha iImfarigi

©Glenneis Kriel
Lokha nawuthoma iplasi lemfarigi, utlhoga ukukhetha umhlobo wemfarigi ofanelana neleveli yerhono lakho kanye nokuzitlhogomela. Ngokuya kwehlangano ye-Pigs for Profit yaka- Drs Jim Robinson kanye no-Mary Louise Penrith iinfarigezi zingahlukaniswe zibezincema ezimbili ezikulu, okumihlobo ephuqukileko kanye nezingakaphuquki.
Iimfarigi ezingakaphuquki zivamise ukuba ngezendabuko, nanyana zenarha le, ekufana nemfarigi ezifuywa enarheni le ekuyi-Kolbroek nanyana i-SA Landrace, ezifaneleka ukufuywa ziyekelwe zikhambakhambe ngokutjhaphuluka nanyana lezo ezifuywa ngobunengi ngehloso yokwenza inzuzo. Lokha iimfarigi eziphuqukileko kungilezo zesimanjemanje, ezifana ne-Large White nanyana i-Duroc, esetjenziswa lapha zifuywa khona ngehloso yokwenza inzuzo.
Imihlobo engaka phuquki mihle lokha nawuthomako sele unelwazi ngemfarigi, nawungarhoniko ukuzikela izindlu zekhwalithi kanye nokudla ekutlhogwa zimfarigi zesimanjemanje begodu nawunemaraga ezokwamukela nanyana ethanda umhlobo loyo wemfarigi.
Okunye, ngeze kwatlhogakala bona ususe zoke iimfarigi nange ufuna ukuzithuthukisa uzize ekutlhogonyelweni kwezinga eliphezulu, kodwana ungasebenzisa ifarigi yesimanjemanje nanyana i-artificial nsemination emfarigini ezisikazi ukwenza ngcono umkhiqizo wemfarigi.

Imihlobo Engasincono Yemfarigi

Imihlobo yemfarigezi zivamise ukubanzima zibenesikhumba ezinzima ezinamathosi okwenza bona zingatjhiswa yilanga. Ziqinile, zirhona ukujamelana nabujamo bezulu obahlukahlukeneko, azibanjwa malwelwe begodu azitlhogi ukutlhogonyelwa okuzenza bona zibe mhlobo omuhle ongafuywa emakhaya. Azitlhogi amanzi amanengi kanye nokudla okunengi, kodwana ziba zihle lokha nawuhlala uzipha ukudla begodu uzitlhogomela.
Lokha iimfarigezi zivamise ukuba bomma bahle, zibeletha ebantwana abancani abahlanu kwaphela, nanyana bangaba banengana nange ziphiwa kuhle ukudla. Omunye umraro kukobana zincani, ezinye zihlangana kwendawo ngomzimba begodu zikhiqiza amafutha amanengi. Njeke kuqakathekile bona imaraga lapha kutlhogeka khona inyama, ngaphambi kokobana uthome irhwebo lokufuya iimfarigi.

Imihlobo Encono Yemfarigi

©National Pork Board and the Pork Checkoff. Des Moines, IA USA.
Iimfarigi zivamise ukuba mhlophe ngebala okwenza bona zitjhiswe lilanga. Zitlhagiswa kugandelela komkhumbul ngebanga lomtjhiso, ngombana zizwa umtjhiso khulu. Zibanjwa kugula msinya begodu zitlhoga ukutlhogonyelwa, ukudla kwekhwalithi kanye namanzi.
Zibeletha khulu, zikhiqiza abentwana abalisumi ukuya ngaphezulu ngeskhathi sinye. Iimfarigi ezisikazi zingatlhoga irhelebho ukukhulisa abantwabazo. Zikhiqiza amafutha amancani nakumadaniswa nenyama eziyikhiqizako.

Translated by Busisiwe Prudance Skhosana