Kuhloba Eplazini Lelubisi
Lapho ugcina khona lubusi, yenta siciniseko kutsi kuhlala kuhlobile futsi kusendzaweni lehlobile lengeke ibe dvutane netintfo letingancolisa lelubisi. Kugcina lendzawo yekusengela, sibaya setinkhomo, inkhomo yelubisi ihlobile, emanti kanye netintfo tekudlela tinkhomo, kanye nekudla. Konkhe loku kufanele kuhlale kuhlobile. Kumcoka kutsi nesibaya sakho sishaywe ngumoya kahle. Kumcoka kuvikela tilwanyana, imihlwa netinyoni endzaweni yekusengela futsi ungavumeli tilwane letifuyiwe noma tinkhukhu endzaweni lapho kugcinwa khona lubisi.
Indzawo yekusengela kufanele ibe nesiyilo sasemende, lekufanelwe sigezwe ungakasengi noma nawusenga. Caphela kutsi kushisa, indzawo lemanti iletsa kugula.
Bantfu labasengako kufanele bageze tandla bangakasengi phindze batigeze nabacedza kusenga, phindze kufanele bagcoke timphahla letifanele lomsebenti. Nawucedza kugeza, faka tandla entfweni lecedza emagciwane. Nawusenga ngetandla, geza tandla ungakasengi uphindze ugeze tandla ungakasengi inkhomo lelandzelako. Ngaso sonkhe sikhatsi sengela ebhakedeni lelihlobile hhayi eplastikini.
Indlela Yekusenga
Tinkhomo kufanele tisengwe nemuva kwemahora langu 12 ngaso sonkhe sikhatsi, ndlela lefanele. Ungasengi kangu 3 ngelilanga, ngoba loku kungabangela kutsi emabele abebuhlungu. Letinkhomo lesetitindzala, lesetisengwe sikhatsi lesidze, ngito letijwayele kuba nemagciwane emabeleni ato. Nawusenga cala ngaleti letincane ugcine ngaleti letindzala. Lubisi lelisuka etinkhomeni letehlukene kufanele ungaluhlanganisi.
Kugeza Emabele Enkhomo
Geza kahle emabele enkhomo nawucedza kusenga. Kugeza sikhatsi lesincane kusebenta ncono kunekutsatsa sikhatsi nawugeza. Lihlolo lelentiwe likhombisa kutsi nawucedza kugeza emabele enkhomo wamele ome ungakasengi.
Sula lamabele ngendvwangu lotoyilahla nawucedza kuyisebentisa. Emabele lancole kakhulu wageze ngemanti langashisi kakhulu uphindze ufake kancane umutsi lobulala emagciwane. Ungacali usebentise sitsawula sekugeza kusula emabele enkhomo.
Kwenya Emabele
Kwenya emabele enkhomo kumcoka kuvikela nekunciphisa sifo seMastitis. Kunganciphisa kungena kwetifo letinsha nga 70% kuya ku 80%. Lentfo lekufakwa kuyo kufanele ibe neGlycerine, Lanolin noma lenye intfo lelapha sikhumba. Kufanele ufake ungakasengi, kepha vikela kutsi lentfo loyifakile nawenya emabele kutsi ingangeni ebisini.
Kute lubisi lingagcoli, yenta siciniseko kutsi emabele omile nawucedza kuwenya kulomutsi. Kunemehluko kwenya ungakasengi nekwenya nawucedza kusenga. Yenya emabele ngesizatfu sakhona. Yenya emabele nawucedza kusenga wentele kususa libisi lelisele emabeleni. Sebentisa inkhomishi yekwenya noma sifutfo semabele kuvikela kutsi kugula kungangeni kulenkhomishi yekufutsa.
Tintfo Tekugeza
Tintfo tekusenga kufanelwe tigezwe nakucedza kusengwa. Cala ngekuyakata ngemanti langashisi kakhulu bese uwasha ngentfo yekuwasha ngemanti lashisako. Nawucedza kuwasha, citsa lamanti logeze ngawo bese womisa letintfo tekusenga. Kufanele kube komile ungakasengi futsi.
