Ukuhlwengeka Lapha Kufuywe Khona iiNkomo Zebisi

©Chris Daly
Ikamero lapha kubekwa khona ibisi kufanele lihlanzeke ngaso soke isikhathi begodu kufanele llibekwe endaweni ehlwengekileko, kude nemithombo engenza bona lisilaphazeke belihlukaniswe neendawo zokuhlanzela.
Qiniseka bona indawo obeka kiyo ibisi, isibaya kanye namabele naduze kwawo kuhlwengekile ukuqiniseka bona ibisi lihlwengekile begodu ukhandele ukurhatjheka kwamalwelwe. Isibaya sakho seenkomo kufanele sihlale sihlwengekile, sibenemibhede ehlwengekileko (eyenziwe ngeplanka elisala lokha nakusarhwako) amanzi kanye nalapha iinkomo zisela khona amanzi nokudla kwazo. Kuqakathekile bona isibaya sakho seenkomo singene umoya. Kuqakathekile godu ukukhandela iinunwana, amakhondlo kanye neenyoni eendaweni zebisi begodu ungavumeli iinlwane ezinje zinja kanye nabokatsu nanyana iinkukhu zingene endaweni lapho ubeka khona ibisi, nanyana endaweni lapho kuhlala khona iinkomo zakho.

Indawo ekusengelwa kiyo kufanele ipleyisteriwe ngesamende phasi, ekufanele ihlanzwe nanyana ispreyiwe ngephayiphi ngaphambi nalokha nakusengwako.Yelela bona iindawo ezifuthumeleko, ezimanzi ziletha amabhakutheriya.
Umsengi kufanele ahlanze izandla zakhe ngaphambi nangemva kokusenga ikomo ngayinye ambethe izambatho ezivikelako ezifana namamaskhi, amabhudzi wamanzi, amahasikune kanye ne-overall. Ngemva kokuzihlanza, faka izandla zakho esibulali magciwani. Lokha nawusenga ngesandla, hlamba izandla ngaphambi kokusenga uziqwilise edibhini yeenkone ngaphambi kokusenga enye ikomo. Ngasosoke iskhathi sengela ethungeni lesimbi /-stainless steel kungasingeyeplastiki.

Indlela Yokusenga

©Chris Daly
Iinkomo kufanele zisengwe qobe ngemva kwama iri ayi-12 begodu kusetjenziswe indlela thize. Ungasengi amahlandla adlula amathathu ngelanga, ngombana lokhu kungarholela ekonakaleni kwasafuthi kweenkono. Iinkomo ezidala, lezi ekade zisengwa, zivamise ukuba namabhakutheriya amanengi emabeleni wazo. Senga amakonyani asikazi kokuthoma, ulandelise ngeenkomo ezinebisi elifretjhi, kulandele ngeenkomo ezidala kokugcina iinkomo ezine-mastitis. Ibisi le-mastitis kufanele lithululwe lingahlanganiswa nebisi leenkomo. Lokha nawusenge ibisi nanyana ibele eline-mastisis, hlamba izandla zakho uzidibhe ku-mastis.

Ukuhlamba Amabele

©Chris Daly
Hlamba iinkone zakho kanye namabele ngemva kokusenga. (Ngaphambi kokusenga ingarhelebha ukugcucgcuzela ukuncibilika kwebisi kodwana kuzele nangamabhakutheriya) Ukuhlanza imizuzu-20 seconds’ kurhelebha nge-50% kunokuhlanza i-6 seconds. Irhubhululo elenziwe mvanje liyavuma bona iinkone kufanele zome ngaphambi kokobana zisengwe.
Sula iinkone ngephepha elilahlwako elimanzi ngeshlahla sokubulala amagciwani. Hlanza amabele asilaphazeke khulu ngamanzi ahlanzekileko atjhisako kanye nesibulali magciwani esincani uwasule ngethawula. Ithawula eyenziwe ngegadoni sele kutholwe bona lingcono kunethawula eyenziwe ngembapiri ngombana iphungula ukusuleleka ngamabhakutheriya ebisini. Ungasebenzisi itjhila elisetjenziswa nguwe woke umuntu ukuhlwengisa amabele amanengi. Idibhu yeenkone ingasetjenziswa ngaphambi nangemva kokusenga ukuqiniseka bona abele ahlwengekile.

Ukudibha iiNkone

©Chris Daly
Ukudibha iinkone kuqakathekile ukukhandela bewulawule i-mastitis. Kungaphungula ukutheleleka okutjha nge-70% ukuya ku-80%. Idibhu kufanele imumathe i-glycerine, lanolin kanye neconditioner yeskhumba. Dibha ngaphambi kokusenga ukukhandela iinsalela zedibhu ekungeneni ebisini. Hlwengisa amabele, ngokuwadibha i-30 seconds uhlolele i-mastitis bewomise iinkone ngembapiri yinye elahlwako qobe komo yinye.
Ukukhandela ukutheleleka kwebisi, qiniseka bona iinkone zomile ngemva kokuzibha ngaphambi kokobana usenge. Kunomehluko omkhulu hlangana kokusebenzisa idibhu ngaphambi kokusenga nanyana uyisebenzise ngemva kokusenga. Sebenzisa idibhu uyisebenzisele umncopho wayo. Wadibhe ngemva kokusenga ukususa ibisi elisalele ekoneni. Sebenzisa idibhu ekhethekileko nanyana ispreyi seenkone ukukhandela amaphotegen ekungeneni eenkoneni. Ibhigiri lokudibha iinkone kufanele lihlanzwe wobe lilalanga kuthi iinsalela ezisele ebhigirini zilahlwe.

Ukuhlamba iiNsetjenziswa

©Chris Daly
Imitjhini yokusenga kufanele ihlwengiswe msinya ngemva kokusenga. Kokuthoma, pula ngamanzi afuthumele kancani uhlwengise amabele ngeshlahla. Ngemva kokuhlwengisa, flatjha umtjhini wokusenga ngamanzi ahlwengekileko, wathulule uwomise. Kufanele wome ngaphambi kokobana usenge godu.

Translated by Lizzy Shongwe