Umcondvo/Sibuketo
Ngekwebhizinisi noma nguyiphi kugcina umibhalo/emabhuku ngiko lokwenta imphumelelo noma kungaphumeleli kwalomsebenti/lebhizinisi. Kuyadzingeka kutsi kugcinwe imibhalo/emabhuku ngayoyonkhe indlela kanye nekungena kwalemal ebhizinisini – uphindze ucondze kutsi noma nguyiphi indlela yekusebenta ngetekulima/kufuya kutsi ihamaba njani kulebhizinisi.
Ngalesinye sikhatsi iyibhizinisi lencane kepha ngalesinye sikhatsi ingaba yibhizinisi lenkhulu lenemabhuku lacondzile. Ngisho nangebhizinisi yabologwaja lenalabasikati labane noma labasihlanu (bologwaja labasikati), indlela lefanele yekugcina imibhalo imcoka.
Yonkhe imali lefakwako kulebhizinisi idzinga kubhalwa. Loku kufaka intsengo yabologwaja, emahhoko, kunakekelwa kwemathuluzi kanye nekudla.
Imali lengenako lechamuka nakutsengisiwe sitoko noma letintfo tidzinga kunakwa/kubhalwa.
Noma nguyiphi indlela lefaka indlela yekuhlanganisa idzinga kubhalwa. Kute lokulukhuni njengekukhohlwa kunika logwaja lomsikati libhokisi lesilulu kanye nekuya kubologwaja bakho ekuseni kanye nekutfola lofile, noma bantfwana lababandzako esiyilweni.
Kugcina umkhondvo wemalanga ekulunyulwa kumcoka.
Likhadi Lelihhoko
Onkhe emahhoko kumele afakwe tinombolo kanye nemakhadi emahhoko afakwe kulinye ngalinye lihhoko. Kumelwe libekwe ngendlela letowenta kutsi lologwaja angakhoni kulidla/kulihlafuna libe ticucu nekutsi avikeleke kutsi angabi manti noma abenemhlabatsi. Angagcinwa emafayeleni aphindze entiwe onkhe emalanga.Kulelikhadi lelihhoko bhala yonkhe intfo leyentekako kulologwaja njengelilanga lekuhlanganiswa, lilanga lekutalwa kanye nenombolo yebantfwana labatelwe. Yiba nemigca leyenele kwentela kubhala emanotsi laho kutsi bangakhi bantfwana labasekhona kulesilulu ngelilanga lesibili, lesitfatfu, lelishumi nakune kuze kufike sikhatsi sekulunyulwa. Phindze ubenesikhala sebantfwana labangetiwe labete batali kulesilulu. Leligama noma lenombolo yalomdvuna (logwaja lomdvuna) losetjentisiwe kumele libekhona kulelikhadi. (Bona Sibonelo Selikhadi Ehhokweni).
Phindza ugcine emanotsi kulelifayela lemalanga kanye nalawo ekugula unike emalanga etingalo tetintwane letibambako, kuhlolwa kwetindlebe nalokunye. Kukahle kuhlola sisindvo kubobabili besitoko sekuhlanganiswa kanye nalesikhulako lesincane. Gcina lomlayeto emphilweni yakho.
Emalanga ekuncunywa/kubulawa kumele nawo abhalwe phansi kanye nesisindvo sabobobabili bologwaja ngaphambi kwekubulawa kanye nasemuva kwekubulawa. Loku kukhomba imali letongena legadziwe.
Emabhuku/emarekhodi lagcinwe ngendlela ye computer abakhona kepha adzingeka kuphela kubologwaja labakhulu.
Translated by Phindile Malotana