Bologwaja abafani naletinye tilwane letifuywako. Banetidzingo tabo lekufanelwe tinakekelwe, uma tingakanakekelwa utohluleka kukhulisa bologwaja. Kumcoka kakhulu kutsi balimi labacalako kunakekela bologwaja kutsi bafundziswe kahle nekutsi batjelwe indlela yekubhekana netinkinga labatohlangabetana nato nekutsi bati kutsi bologwaja badzinga ini.
Tikhona tikolwa eNingizimu Afrika letifundzisa ngekunakekela bologwaja, kumcoka kutsi ube nelwati ungakacali liplazi lekukhulisa bologwaja. Nangabe ufuna kufuya bologwaja labanyenti kumcoka kutsi kube khona umuntfu lotomubita ngabe khona lokungahambi kahle.
Lokuba kahle kutsi ngabe minyenti imindeni lefuna kufuya bologwaja, kumcoka kutsi kube nemuntfu munye lotofundzisa bantfu. Loyo muntfu nguye lokufanele ahambe aye esikolweni kofundza kabanti ngabo logwaja.
Translated by Thandokuhle Motha