Kubonwa kwe Hyena leNsundvu

©Roger de la Harpe
Le hyena lensundvu (Hyena brunnea) iphindze ibitwe nge strandwolf – ligama le Afrikaans lelisho “tilwane taselwandle letifana netinja” nawulichaza kahle ngesilungu – ngendzaba yetindlela tayo lokuyaluka elwandle tifuna kudla.
Letitilwane yintalelwane yesitsatfu lendzala kuma hyena futsi tingahlukaniswa kunalamanye emahyena ngaletinwele tato letindze, letinsundvu lotopele noma letimnyama kulomtimba kantsi futsi tinelibala lelikhanyakhanyako ngasentsanyeni nasemahlombe. Letindzala tikhula tibe ngemasentimitha lalikhulu nemashumi lamatsatfu kuya ekhulwini nemashumi lasitfupha ngebudzee, naletindvuna letinesisindvo lesimashumi lamane nesikhombisa ngema kg bese lamasikati ahambela kumashumi lamane nakubili ema kg ngelinani.
Ema hyena lansundvu lanemilente lemine lenemilayini lebheka emaceleni kantsi futsi madze kunemilente leyakheke emilenteni yangemuva, lekukhokha emahlombe ato kutsi abesetulu kunasemahlangotsini. Tinhloko tawo tinkhullu phindze tinetinwele letincane kunemtimba losele phindze tinetindlebe leticijile/letikhombile.
Emahyena lansundvu avama kuhlala ngeticheme/ngemacembu lafaka mane kuya kulamashumi lamabili ngamanye, kepha lemanye lamadvuna kanye nalamasikati angagucuka ahlale ngamanye. Lamasikati angahlangana kumbe nalendvuna lendzala lehlala ndzawonye, noma lamadvuna lahlala endzaweni aphindze asuke aye kulenye lokubese kujika kuba yindzawo yemacembu/imindeni. Lamadvuna lahlala etindzaweni letehlukene tivama kutfola lamasikati ngekuwafumfutsa ngeliphunga, asebentise liphunga lendzawo yekuhlala lenemibhalo kanye netindzawo letakhiwe ngulemindeni/emacembu.
Emahyena lansundvu akhula ngetelicansi kusuka kuminyaka lemibili nehhafu ngebudzala. Sikhatsi sekuhlangana sivame kusuka enyangeni yeNkhwenkhweti kuya kuyeNgci, kushiyane ngekubakhona kwekudla. Lamasikati atala etindzaweni letingayinye/letikhweshile bese asusa lalamancane awayise endzaweni yekuphumulela yalelicembu emaviki lambalwa ngemuva kwekutalwa.
Kuba yimidlwane lehamba ngayinye kuya kulesihlanu letalwako ngemuva kwekumitsa sikhatsi lesingaba ngemalanga lalikhulu. Inganatsa kumakwe wayo kuze kube tinyanga letilishumi nakune budzala.

Indlela Yekudla neKubulala

©Nigel Dennis
Emahyena lansundvu kahlekahle atfola kudla lokuchamuka emgconyeni, tidla tilwane temigogodla letiningi, tilwanyana kanye netitselo. Tivama kuyaluka kudla todvwana, kepha tilwane letiningi ngisho kusuka kumacembu lamaningi tingahlangana kwentela kuyokudla endzaweni levulekile lenemitimba yetilwane letifile. Tikhutsele kakhulu ebusuku, kepha tiphitsitela kakhulu ngelilanga lasemini, ngalesikhatsi kudla kuyindlala/kungatfolwa.
Batingeli labaphansi, ngako tinyamatane letiphilako tenta incenye lencane yekudla kwato. Letihamba ngatinye tingahle, nomakunjalo, ngalesinye sikhatsi angagucuka abe ngemasele. Bafuyi kufuna bakhumbule kutsi kubona ihyena lensundvu idla umtimba wesilwane lesifile akusho kutsi tisibulele.
Ngekusho kweMbhalo weKunakekela Tilwane, inyamatane ibanjwa ngemuva, bese iletfwa phansi bese ibulawa kumbe ngekuyifihlita lenhloko ngalamatinyo lamakhulu lanemandla, kuluma kanye ngemuva kwenhloko lebese iyachekeka bese kuvuleka lengcondvo noma kulunywa ngasehlangotsini lwentsamo, ngelitinyo linye dvute neliso lalesilwane kanye naletinye ekucaleni kwentsamo/chochocho.
Tilwane letincane tivele tiyidle tiphindze tiyimite ngekushesha, ibe incenye yelubhambo ingasala umangabe lesilwane sisikhulu. Lesikobho noma lamatsambo lamakhulu alesilwane angahle abe afohlokile. Lamatfumbu akavami kudliwa.

Kunakekela

©Roger de la Harpe
“Kunakekelwa” kwema hyena lansundvu kungahle kube netintfo leticondzile letijikako, kusukela kumncintiswano naletinye tilwane letincane letifana nabojakalazi letingasita kugcina kulahleka kwetilwane tekufuywa. Emapulazini ekutingela, baphindze badlale indzima lenkhulu ngekuvikela kusakateka kwetifo ngekuhlobisa lapho bekunenyama yesilwane lebesifile sikhatsi lesidze.
Imvumo iyadzingeka yekubamba kanye nekukhulula emahyena lansundvu, njengoba anguletimbalwa temindeni yalamahyena, tibhalwe ngaletidvute letifungelwa Yinyonyane yeKonga Imvelo. Ngekusho kwe Mbhalo weKunakekela Tilwane, lihhoko lekucipha ingwe ngesidvumbu semvu njengentfo lebekiwe kusetjentiswa ngentfo leyiyimphumelelo.
Fenisi wagesi ngumunye wetintfo letimcoka tekugcina emahyena emabala kutsi asuke lapho kunetilwane tekufuywa, utsi usakha sibaya, umlusi kanye netilwane tekugadza tingasetjentiswa kwentela kuvikela tilwane kumahyena lansundvu.

Translated by Phindile Malotana