Indlela Yekwenta Tingulube Letindzala Letinsikati kutsi Tilungele Kuhlanganiswa
Yetama kulumula lelendzala lensikati ngaleSine. Loku kuchaza, kutsi utosusa bantfwabayo nasebasemkhatsini wemaviki lamane kuya kulasitfupha ngebudzala. Uma umulumula ngaLesine, angabekwa endlini ledvute neyaletindvuna letindzala kepha hhayi ngekhatsi kwalendlu yalelendvuna. Letinsikati letindzala letivutfwe kahle titofika ekushiseni ngaleloSontfo futsi titolungela kubekwa nalelendvuna kute tihlangane. Kuhlangana kumele kwenteka ngeMsombuluko noma Lwesibili. Uma lelendvuna ingekho esigabeni sekushisa ngalolweSine lolandzelako, kumele lelensikati inikwe sidlo sayo, njengoba loku kungakhokha bantfwana labancane. Ngako yenta lelensikati lendzala imele emaviki lamatsatfu.Lelensikati lendzala kumele itsatfwe imikiwe endlini yalelendvuna lendzala, hhayi ngalelenye indlela. Lelensikati lendzala, lengekho kahle ekushiseni, angeke imelane naleyo lendvuna futsi itokwala kugitjelwa. Ngalenye indlela leletinsikati letindzala tingamelana nalendvuna yinye, kepha tingayala lenye. Kuhlola kutsi kumbe lelensikati ngabe iyashisa na kuyasita ekufakeni umfutfo ngemuva kwayo futsi uma ima icondza kanye nelimuva layo linesikhala kuchaza kona kutsi ilungele.
Ingulube Lendvuna nekuHlanganiswa
Ingulube lendvuna lendzala lelungele kuhlanganiswa ingakhokha ematse lasamagwebu. Hlala ugcine ingulube lendvuna lendzala endlini yayo – letsa leletindzala letinsikati tingulube endlini yalelendvuna. Uma umikisa lelendvuna kulenye indlu, itomosa sikhatsi seloku ibuka lendzawo lensha lekuyo. Kugcina lelendvuna ingulube endlini yayo kungayisita kutsi ihlale itetsembile futsi ingasheshe igibele etukwemsebenti.Tama kusebentisa kumbe timbili tingulube letindzala kwentela kuhlanganisa, kalela ngayinye ingulube lendvuna ibe naletinsikati letindzala letilishumi nesitfupha. Kumele inikete timbili kuya kuletintsatfu ngeliviki ngekwenta imisebeti lemibili kuyinye ingulube lensikati lendzala. Yetama Kubeka ingulube lendvuna esikhundleni salenye njalo enyangeni yesitfupha kwentela kuvikela kungabikho kwebantfwana. Kubalulekile kuba nembhalo lomuhle kwentela kugcina umbhalo lapho khona ingulube lendvuna lndzala isetjentiswa kutsi ihlangane nayiphi lendzala lensikati.
Ungayiphatamisi ingulube lendvuna nayisemsebentini wayo. Idzinga cishe imizuzu lesihlanu futsi kumbe imizuzu lelishumi nesihlanu kwentela kucedzela kukhokha budvodza bayo. Ikhokha lokungaba ngu 200 ml walolokumanti ngesehluko sinye sekuhlangana. Ngesikhatsi lelensikati lendzala seyitfolile kudla kwayo, yisuse kulendlu yalengulube lendvuna kute kube sikhatsi lesilandzelako sekuhlangana kepha yigcine dvute kulelendvuna endlini yayo. Kuphatamisa natenta umsebenti wato kungachubela ekutseni tikhokhe bantfwana labancane.
Uma lelendvuna ingulube ingahlangani kungaba tintfo letimbalwa: inebuhlungu (etinyaweni, emilenteni, ngemuva), inkhaphuphu yekulala yehlile (kufuna kuhlangana ngetelicansi) noma lelendvuna ingulube ingabe ingakalungi.Translated by Phindile Malotana