Yin’wana ya tindlela ta kahle taku tiyisisa vuhumelerisi bya xiyimo xale henhla iku tirhisa ti genes letinga eka xiyimo xa kahle. Sweswo swivula leswaku, u ringeta ku xava tinguluve ta kahle kusuka eka vaxavisi lava tivekaka kumbe van’wamapurasi lava xavisaka.
Ku Lulamisela Nguluve ya Xisati swa Masangu
Ringeta ku lumuta nguluve ya xisati hi wavumune. Leswi swivula leswaku, uta yi tekela vana va yona loko vari na mune kuya eka ntsevu wa mavhiki hi vukhale. Loko uyi lumurisa hi wavumune swivula leswaku ungayi veka eka xivala lexinga kusuhi swinene na tinguluve ta xinuna kambe kungari endzeni ka xivala xa ta xinuna. Tinguluve ta kahle leti tswalaka tita sungula ku navela masangu hi siku ra sonta naswona titava ti lulamerile kuvekiwa eka ndzhawu yin’we nay a xinuna leswaku tita sungula masangu. Masangu yafanele kuva kuna hi musumbunuko kumbe wavumbirhi. Loko ya xisati ynga tsakeli masangu kufikela hi wavumune loyi a landzelaka, ayifanelanga kuva yi vekiwa eka timhaka ta masangu, hikuva leswi swinga endla leswaku kuva na swingulubyani leswintsongo. Swa antswa u sungula u yima ku hela mavhiki yanharnu lawa landzelaka.Ya xisati yifanele kuyisiwa eka xivala xa nguluve ya xinuna, kungari ya xinuna leyiyisiwaka eka xivala xa leyi ya xisati. Nguluve ya xisati, leyinga lulamelangiki kahle masangu, yinge yimeli nguluve ya xinuna naswona yinge pfumeli ku khandziyiwa. Tin’wani ta xisati tinga yimela ntsena yin’we ya xinuna kambe yita ala loko kuta yin’wana. Ku kambela loko ya xisati yi lulamerile masangu swapfuneta ku tisa ntshikelelo enhlaneni wa yona naswona loko yiyima yinga suki kutani yikukumuxa nhlana swikombeta leswaku yilulamerile.
Ya Xinuna na Masangu
Nguluve ya xinuna leyinga lulamela masangu yita humesa khuvi laha nonweni.Tiyisisa leswaku u veka nguluve ya xinuna eka xivala xa yona hi minkarhi hinkwayo- u yisa ya xisati eka yona. Loko wo teka ya xinuna kuya eka xivala xa ya xisati, yita teka nkarhi yaha tolovela xivala. Ku vekiwa ka ya xinuna eka xivala xa yona swivula leswaku yita titwa yiri na ntlhontlho wakuva yi tirha ntirho wayona hiku hatlisa hiku titshemba.
Ringeta kuva u tirhisa tinguluve ta xinuna timbirhi eka swa masangu kuringana eka swiphemu swa 12 kuya eka 24-wati awara.
Ti cince loko ti endla masangu. Xikombiso, tirhisa yosungula hi musumbunuko na nhlekani, ya vumbirhi hi siku leri landzelaka ni mixo. Ta xinuna titirha kahle loko siku rihorile kunga hisi.
Loko ntlhambi wuri wukulu kuringana kuva wuva na tinguluve to hundza timbirhi ta xinuna, unga veka ya xinuna kuva yiva na 16 wa ta xisati. Yifanele yi hlangana na taxisati tinharhu hi vhiki laha yi vonaka yin’we kambirhi. Ringeta kuva u cinca ya xinuna endzhaku ka ntsevu wa tinhweti tinwana na tinwana kusivela kuva na muxaka lowu fanaka wa tinguluve. Swina nkoka kuva na nhlayiso wa matsalwa ya tinguluve ta xinuna letinga tirha eka masangu na ta xisati to karhi.
Unga kavanyeti nguluve ya xinuna loko yiri e masangwini. Yi lava kwalomu ka 5 wa timinete xikan’we na kwalomu ka 15 wa timinete kuva yihetisa ntirho hinkwawo wa masangu. Nguluve yi chela kwalomu ka 200 ml wa ngati ya xinuna nkarhi hinkwawo loko yi endla masangu. Loko ya xisati yi endlile masangu, yihumesile eka xivala xa nguluve ya xinuna kufikela loko ku fika nkarhi lowu landzelaka wa masangu kambe u fanele kuyi veka ekusuhi na xivala xa leyi ya xinuna eka xivala xa yona. Ku kavanyetiwa ka masangu swinga endla leswaku swingulubyani swiva leswintsongo.
Loko nguluve ya xinuna yinga endli masangu kungava kuri na swivangelo leswi landzelaka: yingava yiri na swivavi (feet, legs, back), kumbe yiri na ngati ya xinuna yintsongo (sexual appetite) kumbe ya xisati yingava yinga lulamelangi.Translated by Ike Ngobeni