Ye nngwe ya ditsela tše kaone tša go netefatša palomoka ya tšweletšo ye dikolobe ke go šomiša didirišwa tše botse tša leabela. Le ge go le bjale, go leka go reka dikolobe tše botse go tšwa go batswadiši ba maleba goba balemiruing ba kgwebo.
Ka moo o ka Beakanyago Dikolobe tša Ditshadi go Goela
Leka go lomolla kolobe ya tshadi ka Labone. Se se ra gore, o tla tloša dikolobjana tša yona ge di le magareng ga dibeke tše nne le tše tshela ka bogolo. Ge o lomolla ka Labone, e ka bewa ka hokong kgauswi le dipoo eupša e sego ka gare ga hoko ya dipoo. Dikolobe tša ditshadi tše di lego monono botse di tla ba phišong ka Sontaga gomme di tla lokela go bewa le poo ka lebaka la go goela. Go geola go swanetše go diragala ka Mošupologo goba ka Labobedi. Ge e ka ba kolobe ya tshadi e sego phišong ka Labone ye e latelago, ga e a swanela go direlwa ka ge se se tla feletša ka dikolobjana tše di nnyane. Go na le go e emela dibeke tše dingwe tše tharo.Kolobe ya tshadi e swanetše go išwa ka hokong ya poo, e sego ka tsela ye nngwe. Kolobe ya tshadi, yeo e sego phišona gabotse, e ka se emele poo gomme e tla e ganetša go palamiwa. Dikolobe tše dingwe tša ditshadi di tla emela poo ye tee, eupša di tlo ganetšana. Go dira diteko ge eba kolobe ya tshadi e ka phišong go a thuša go bea kgatelelo godimo ga gagwe mokokotlo wa yona gomme ge e ba sa eme le gonyetša mokokotlo wa yona mohlomongwe e loketše.
Poo le Go Goela
Poo yeo e loketšego go goelana e tla tšweletša mara lehulo. Ka mehla bea poo ka hokong ya yona - tliša dikolobe tša ditshadi go yona. Ge o e tšea go ya ka hokong ye nngwe, e tla senya nako ka go hlahloba lefelo la yona le leswa. Go bea poo ka hokong ya yona go tla e thuša gore iikwe e le boitshephong bja gore e tsene ka mošomong wa yona ka pela.Leka go šomiša bonyane dipoo tše pedi tša go geola eupša ka sekgoba sa diiri tše 12 go ya go tše 24. Di fetolele ge go goela. Go fa mohlala, šomiša ya Nomoro ya Botee ka Mošupologo mathapama, gomme o šomiše ya Nomoro ya Bobedi ka Labobedi mesong. Dipoo di šoma bokaone ka dinako tša karolo ye fodilego ya letšatši
Ge mohlape o le mogolo ka mo go lekanego go feta dipoo tše pedi, fokotša poo ye nngwe le ye nngwe ka dikolobe tša ditshadi go ka ba tše 16s. E swanetše go direla dikolobe tša ditshadi tše pedi go ya go tše tharo ka beke le ditirelo tše pedi ka kolobe ya tshadi. Leka go fetolela poo yo dikgwedi tše dingwe le tša dingwe tše tshela go thibela tswadišo ya ka gare. Go bohlokwa go ba le poloko ye maleba ya direkoto go šala morago gore ke poo yefe yeo e bego e šomišwa go geola kolobe efe ya tshadi.
O se ke wa tshwenya poo ge e goela. E hloka bonnyane metsotso ye mehlano gomme mohlomongwe metsotso ya go fihla ye 15 go feletša go bea peu ya yona ya bonna. A bea peu ya bonna ye e ka bago 200 ml matšhedi ka sehla se sengwe le se sengwe sa go geola. Ge kolobe ya tshadi e setše geotše, e ntšhe ka hokong go fihla ge go geola go latelago go tlago ke eupša e bee kgauswi le poo ka hokong ya yona. Go tshwenya go geola go tla lebiša go dikolobjana tše nnyane.
Ge e le gore poo ga e goele e ka ba ka baka la dintlha tše mmalwa: e kwa bohloko (maoto, mokokotlo), e na le kganyogo ya thobalano ye fase goba kolobe ya tshadi e ka ba e sa lokela.
Translated by Lawrence Ndou