Zihlangana njani Ngokomseme Iimfarigi

© Glenneis Kriel

Enye yendlela ezihle zokuqiniseka bona iimfarigi zikhiqizwa kuhle kusebenzisa imetheriyali yamasotja. Njeke, linga ukuthenga iimfarigi ezinesota ehle kubathengisi bawo abathembekileko nanyana ebarhwebini bazo.

Uzilungisela nani Iimfarigi Ezisikazi Ukuya Emsemeni

Okutjho bona, uzokuthatha abentwabazo nabahlangana kwemveke ezine ukuya kwezisithandathu. Lokha ubalisisa ngolosine abentwana, unina angabekwa esibayeni eduze kwefarigi eduna kodwana ingasi sesibayeni sefarigi eduna. Ukuze zivunde kuhle iimfarigi ezisikazi zizokufuna eziduna ngoSondo zilungele ukuya nazo emsemeni. Ukobana zihlangane ngokomseme kuzokwenzeka Ngomvulo nanyana ngolwesibili. Nange ifarigi esikazi ingakakulungele ukuya emsemeni ngolwesibili, ingakatelelwa ngeduna ngombana lokho kungarholela ekutheni ibelethe iputwana elincani.

Ifarigi esikazi akukafaneli isiwe esibayeni sefarigi eduna. Ifarigi esikazi engakakulungeli kuhle ukuya emsemeni neduna, ngeze yafuna ukugitjelwa. Ezinye iimfarigi ezisikazi ziyajama zilinde bona eduna ezigibele nazikulungeleko. Hlola bona ikulindele na ukuya emsemeni ifarigi esikazi ngokobana uyigandelele emgogodlheni nayijama rwe kutjho bona ikulungele.

Ifarigi Eduna Nokuya Emsemeni

Ifarigi eduna elungele ukuya emsemeni ikhipha amathe anamagwebu. Hlala uyivalele esefeni sayo – letha ifarigi esikazi kiyo. Nange uyisa kwesinye isibaya uzokona isikhathi ngokobana ilokhu iqale indawo yayo etja. Nawungayisusiko ebayeni sayo kwenza bona izethembe beyisebenze msinya.

Sebenzisa iimfarigi ezimbiili ukuya emsemeni kodwana zidlulane ngama iri ayi-12 ukuya kwayi-24. Zidlheganise lokha naziya emsemeni. Isibonelo, Sebenzisa yokuthoma ngomvulo ngemva kwamadina, usebenzise esibili ngolosibili ekuseni. Iimfarigi eziduna zisebenza kuhle lokha nakupholileko.
Lokha umhlambi umkhulu ngokwaneleko sebenzisa iimfarigi eziduna ezimbili, yinye isebenze kwezisikazi eziyi-16. Iye emsemeni nezisikazi ezimbili nanyana ezintathu kabili qobe yifarigi. Linga ukujamiselela ifarigi eduna ngemva kwenyanga ezisithandathu ukukhandela bona zingaziphindaphindi. Kuqakathekile kobana urikhode okwenzako ukobana wazi bona ifarigi eduna oyisebenzisileko ngiyiphi, kuyiphi esikazi.

Ungaphazamisi ifarigi eduna lokha nayiya emsemeni nesikazi. Itlhoga okungasenani imizuzu emihlanu nanyana mhlamunye eyi-15 ukuqeda ukukhipha isidoda sayo. Ikhipha isidoda esiyi-200 ml qobe nakusikhathi sokuya emsemeni. Lokha nasele iqedile ukuya emsemeni nesikazi khipha esikazi esibayeni sefarigi eduna kuze kufike isikhathi sokobana ziye emsemeni godu. Kodwana ungayibeki kude nefarigi eduna. Nange uziphazamisa naziya emsemeni esikazi izokubeletha umntwana omncani.
Nange ifarigi eduna ingafuni ukuya emsemeni kungenziwa zizinto ezilandelako: Izwa ubuhlungu, (iinyawo, imilenze, nanyana umgogodlha) ayirhaleli (low libido) nanyana ayikakulungeli.

Translated by Busisiwe Skhosana