Emacebo Okwenta Indlu Yetingulube
In modern facilities, young pigs are on plastic flooring to keep them warm.
Indlu yetingulube iya ngeluhlobo letingulube lofuna kutifuya. Tingulube tiyakhona kumelana nesimo lesimatima nekukhulela lapho kungakalungiswa khona kakhulu kepha tingulube tesilungu atikhoni, loku kusho tingulube takadzeni atidzingi indlu lebitako kute tiphile kahle. Tingaphila kahle endlini lenafenisi noma libondza lelinemtfunti, noma indlu lengenawo ematsayela kepha lenedzawo lesemtfuntini. Kepha tingulube tesingisi tona tenta kahle endzaweni lapho titonakekelwa khona kakhulu, esikhatsini lesinyenti indzawo levalekile.
Tintfo lokufanele utibuke
A fenced camp with shelter.
Noma kungaba matima nangabe usacala ngetingulube letimbalwa, kepha kwenta umcondvo lomuhle ngekwetimali kutsi wakhe indlu yetingulube letoba lula kutsi ikhuliswe. Kusebentisa tintfo lesetike tasebenta ngaphambilini noma tintfo lonato kungasita kwehlisa imali lokumele uyisebentise, kepha kungadula ngekuhamba kwesikhatsi ngoba leti tintfo atihlali sikhatsi lesidze.
Lendlu yetingulube kufanele kube yindzawo lekahle kutsi tingulube tingatalana khona, futsi kubelula kutsi uyigeze. Siyilo sendalo singaba kahle kutingulube takadzeni, kepha kufanele kube khona indzawo leyomile futsi lehlobile lapho tingulube titolala khona. Indlela lengaba ncono kufaka semende phansi, loku kwenta lula kugcina lendzawo ihlobile.
Etindlini letitfutfukile, siyilo lesentiwe ngeliplastiki lelitsite liyasebentiswa njengesiyilo kwentelwe kugcina tingulube letincane tishisa, bese kuba siyilo sasemende kutingulube letindzala. Lendlu yetingulube kufanele yente ngatsi iyehlela kancane kwentele, kwentele kutsi emanti akhone kugeleta aphume endlini yetingulube. Libondza lingakhiwa nanoma yini lekhona kuleyo ndzawo, njengetigodvo, semende, titina noma tinsimbi, lecine kakhulu kugcina tingulube ngekhatsi. Tintfo letijwayelwe kusebentiswa titina noma semende, ngekusho kwe South Afrian Pork Produers Organisation (SAPPO) encwadzini yabo lebitwa ngekutsi yi Pigs for profit.
Walls should be high enough to prevent pigs from jumping over it.
Lendlu yetingulube kufanele ibe yindze nga 1,2 meter, ngalesinye sikhatsi ingaba yindze kunaloku nangabe khona ingulube lehluphako. Lamabondza langekhatsi kufanele atsambe kahle, kungabi netintfo letingalimata tingulube. Ematsayela ngiwo lajwayele kusebentiswa kufulela indlu yetingulube, kepha kungashisa kakhulu ehlobo. Incwadzi ye SAPPO itsi balimi kufanele bawente ematsayela abemhlophe noma babeke emagala etulu kwalamatsayela kwenta lendzawo ingashisi kakhulu. Ematsayela kufanelwe aphakamiswe andlule lelibondza kute kukhanya kungene endlini yetingulube, futsi kushaye umoya. Endlini tesilungu, kuyentiwa kunciphisa sifo lesibangwa kushisa phindze nekunciphisa kudula kwagesi, ngekugcina kushisa ngekhatsi endlini ebusika bese ukugcine ngaphandle ehlobo.
Ngekusho kwa Dannie Visser encwadzini yakhe iModern Pig Production, tintfo tekwakha letikahle ngeke tente loku lokulandzelako: Kungangenisi emanti, Umlilo ungabi yingoti kulendlu, Iphephile, Icinile, Ihlala sikhatsi lesidze, Kungabi melula kutsi ilimatwe tilwane, Kungabi melula kutsi ilimatwe tilwanyana noma emagundwane noma tinyoni.
Translated by Thandokuhle Motha
