Pšalo ya Basil

© Marinda Louw

Phatlalatšo

Phatlalatšo ya Basil e tšwa go peu eupša mašaladi le ona a ka bjalwa. Batšweletšikgwebo ba ka bjala dipeu tša basil ka go bjala fase goba ka tlwaelo ba ka dira dibjalwana tše nanana go šireletšwa tikologo goba ka gare ga dikhaponetaeoksaete e be ba di ntšha ka morago ga dibeke tše nne.

Mokgwa wa go Bjala

Pšalo ya peu le dibjalwana tše nanana tša basil e dirwa ka diatla le metšhene. O ka gaša 10 cm mo reing go netefatša basil ye botlalo gape o sege monola wo nyakegago wa sebjalo.

Katologanyo

Dibjalo di swanetše go ba le sekgoba sa go lekana 30 cm ka ntle ga direi tša 50 cm ka ntle. Ye ke magareng ga dibjalo tše 65 000 le 67 000 tša basil godimo ga hektare. Balemi ba bangwe ba kgwebo ba oketša kitlano ya dibjalo go 80 000 go 100 000 godimo ga hektare.

Nako ya go Bjala

Bjala dipeu tša basil mathomong a seruthwana go tloga bogareng, o dire bonnete bja gore o feta ke tšhwaane ye fetilego. Mo Afrika Borwa, ke mafelelong a kgwedi ya Oktoboro.

Nako ya go Bjala

Go dira dibjalwana tše nanana tša basil ka gare ga dikhaponetaeoksaete mo kgweding ya Julae go tla hwetša dibeke tše mmalwa tša nako ya tšweletšo. O ka ntšha dimpšanyana ka ge di le 150 mm Ka botelele, ka morago ga go feta go ya mafelelong tšhwaane go tloga go kgwedi ya Agostose go ya go Oktoboro.

Kgolo

Go tloga ka nako yeo dipeu tša basil di bjalwa go ya go puno ya mathomo e ka ba dibeke tše lesome. Morago ga fao basil e ka bunwa gabedi. Sega basil 15 cm ka godimo ga mobu go dumelela thito gore e gole gape.

Nontšho

O se nontšhe go fetiša ka ge se se tla tliša khukhušo ka pele. Nontšha go ya ka tlhophollo ya mmu ye dirilweg pele ga pšalo. Palo e ka bago a 200 go 300 kg ya 3:1:5 ge dibjalo di le 20 cm e swanetše go lakanela go fihla ka nako ya puno ya mathomo. Gaša palo ye lekanago ka morago ga puno ynngwe le ye nngwe. Pheoi ta Foliar e loketše tšwetšo pele ya matlakala ao a phetšego gabotse.

Nošetšo

Basil e huetšwa tlhaelo ya monola ka fao go bohlokwa kudu gore mmu o be ka mokgwa wo swanetšego. Tsenya monola go tlhokomelo ka mehla. Kgatelelo e tla tliša matšoba, gomme se se kotsi go tšweletšo.
Basil a ka nosetšwa ka mokgwa wa go foka goba drip. Drip e kaone ka ge e dira gore matlakala a oma. Matlakaleng a kolobilego a ka hlola fankase gomme ya hlola tshenyo ya matlakala. Go ya ka boso le themperetšha basil e ka gola ka nošetšo e ka bago tše 40 mm ka beke. O swanetše go phatlalatša nošetšo tše pedi go ya go tše tharo ka beke. Mo mmung wa sehlaba nošetšo e ka nyakegago letšatši le lengwe le lengwe la bobedi. Go eletšwa gore go be le khupetšo bjalo ka ge se se fokotša moyafalo. Khupetšo ya plastiki goba legora la manyoro di ka dirišwa. Se se laola gape le mengwang.

Translated by Lebogang Sewela