Nošetšo
Nošetšo ke kabo ya meetse ya maitirelo go naga go godiša dibjalo goba dimela tše dingwe ka mokgwa wa mekero, dikanale goba diphaephe, moo pula e sa kgonego go fa meets a nyakegago ya kgolo le tšweletšo ya dibjalo.
Bjalo ka ge baagi ba lefase ba gola le methopo ya diphedi tša tlhago e hlorišwa e bewa ka fase ga kgatelelo, meetseng a a hlwekilego a ba ntlha ye bohlokwa ka morago ga moya mo lefaseng. Bjale, go bohlokwa gor mekgwa le ditshepedišo tše kaone di a hlamilwe go boloka meetse eupša e kgone le go fa debjalo seo se nyakegago go tšweletša poelo ya dibjalo go tšwa moo lefelong la mmu.
Mehuta ya Mananeo a Nošetšo
Mehuta ye kgolo, ye mehlano ya nošetšo e hlalošitšwe le go bontšhwa mo tlase
Nošetšo ya Mafula
Nošetšo ya mafula ke moo meetse a romelwago go tšhemong goba mo dikenyo e be a dumelelwa go tlala lefelola ka moka la go lema. Wo ke mokgwa wa kgale gomme o be o dirišwa mengwagakgolo ye mentši. Le ge go le bjalo mokgwa o senya kudu gomme ka fao o a tlošwa ka lebaka la tlhokego ya meetse. Se gape ga se mokgwa wo nepagetšego ka lebaka la gore o ka hloka mmu wo khošego meetse
Nošetšo ya Sprinkler
Ye ke ge meetse a pompiwa goba a go gogwa ka hlogo goba nozzle ka fase ga kgatelelo ya bonyane bja 35 PSI d (Phaonto /godimo ga sekwere – kelo ya yuiniti ya kgatelelo ya meetse yeo e hlolago makgwai a kgašetšo godimo ga lefelo leo le nyakago meetse. Ditšharatšhara tše tlwaelegilego ke ditšharatšhara tša seabe (Impact Sprinklers) tšeo di fetogago ka kgatelelo le khuetšo ya meetse le maatla a letsogo.
Centre Pivot Irrigation
Ye ke tshepedišo ya setšharatšhara yeo e itirišago, yona e goga ke mohlagase goba maatla a metšhene a meetse ao a otlelago tshepedišo yeo e itirišago yeo fetolwago maotwana ka moo letsogo la diphaephe le tšwela pele go ya kgole le mothopo wa meetse. E ka sepela ka botlalo goba ka karolo efe le efe ya sediko bjalo ka ge go nyakega.
Ditšharatšhara ka gare di tla di le tše nnyane di fa meetse a manyane gomme ditšharatšhara di tla be di gola gannyane gannyane di fa meetse a mentši, di šutela ka ntle go bapa le letsogo ka setšharatšhara se golo se beilwe mafelelong ga letsogo ka gore tikologi e sepela ka lebelo ka mo fase ka fao meetse a mantši a swanetše go lokollwa ka nako yengwe le yengwe.
Micro-drip Irrigation
Ye e tsebege bjalo ka tshepedišo ye e šomago gabotse gomme e dirišwago gantši ge meetse a hlokega. Ka nošetšo ya mathopo kgatelelo ya ka fase ya gare ga 15 le 25 psi e a nyakegago go diriša meetse. Meetse a fepiwa ka dirotha tše dirothang godimo ga mmu, kgašo e ya go lefelong medu kgauswi le kutu. Ka dinako tše dingwe, ke diphaephe tša go rotha di bewa ka fase gore meetse a išwe thwii go ya medung gape le fokotša tahlegelo ka moyafalo le go fokotša mengwang ya kgolo mo tikologong ya sebjalo.
Nošetšo ya mathopo wa meetse e swanetše go hlwekišwa ka lebaka la gore le mašaledi ao a ka dumelelwago go tsena ka gare ga diphaephe a tla thibela mašoba a diphaephe. Se se boima go lekola ge dirotha ka moka di šoma.
Micro-spray Irrigation
Micro-spray nošetšo: Micro-spray ke sefapano gare ga nošetšo setšharatšhara le nošetšo ya micro-drip. E na le mehola le dipoelamorago tša mohuta yo monngwe le yo monngwe wa nošetšo. Ka nošetšo ya mathopo nošetšo ya micro-spray ne tšewa bjalo ka nošetšo ya kgatelelo ya ka fase e kgona go šoma ka kgatelelo ya ka gare ga 15 le 25 psi.
Nošetšo ya Micro-spray e hlama lefelo la go thapa le le golo go feta nošetšo wa mathopo, gomme e loketše nošetša ya mehlare, mpete ya merogo ye kgolo le fao mmu o le wa mohlana le wa sebopego sa mašobana (porous). Moyafalo o godimo gomme o fapana le mathopo, o oketša mengwang mo kutung ya sebjalo.
Translated by
Lebogang Sewela
