Leina
Sebjalo sa Nara [Acanthosicyos horridus]Matseno
Acanthosicyos horrida e bopa sehlophana sa dimela tša ka seleteng kgauswi le meboto ya seleteng sa Sossuvlei ka lebopong la Walvis. Acanthosicyos horrida ke mohlare wa go ba le wa poo wo mo tee le wa tshadi wo mo tee wa go phela sebaka wa go ba seduti o kgona go gola botelele bja go fihlelela dimilimetara tše 1.5. O bopa sehlopha sa bong bjo bo tee se ka kgomago dibjalo tša bong bjo bo tee goba tše dingwe tša kgauswi tša bong bjo bongwe.
O hlagiša medu ya go nyaka tafole ya meetse a tibilego. Dibjalo ke tša go hloka mahlare le go ba le boiswaro bja go hlagiša dienywa tša ba khutlonne ya go ba nkgokolo ya go fihla go disentimetara tše 25 palogares. Dibjalo di kgona go aga megogolwa ya mohlaba kgauswi le tšona le go tšwela pele go gola go ba godimo ga megogolwa ye ya mohlaba. Dibjalo tše mpša di hlaga fela ge pula e ena le ka lebelo di bopa medu ye e golago ka go tiba ya go nyaka tafole ya meetse.
Dienywa tša Sebjalo sa Nara
Dienywa ka ntle di ka ba di sa bewa ka go kgaogantšhwa gomme di ka hlaga ka go swarana le tše dingwe tše mmalwa. Dienywa di na le meetlwa. Go butšwa ga dienywa go diragala magareng a Dibokwana le Moranang. Dienywa ga di fetoge ka mmala gomme di nna ka wo motala ka ntle, eupša mokgopa wa go pipa peu ga o fapana le letlalo, o fetoga mmala wa namune, ke ye sukiri kudu ka tatso gomme monkgo wa yona ke wo botse.Diphetogo tša go tliša ke go butšwa di bonwa bonolo ke Barwana ba dulago ka lefelong leo ntle le go phšatla seenywa ka tsela efe goba efe. Dienywa di di šomišwa ke Barwana go mabaka a mabedi a makgolo.
Bohlokwa bja dienywa
Bja mathomo ke go ntšha peu tšeo di lewego ka go e lagela seenywa ka molomong se le bjalo gomme sa pharogela ka gona sa bobedi ke ka lebaka la go sepetša sehlolo moo letlalo le ya bedišwa le meetse gomme a tšhelwa go bopa mokgopa wa dienywa. Mokgopa wa dienywa o lewa ngwaga ka moka gomme e tatso ye e tlase kudu go bapiša le sehlolo.Sebjalo se bopa mothopo wo bohlokwa wa phepo ka lebaka la gore go bonolo go boloka peu le seengwa sa go omišwa (mokgopa). Dikenywa di lewa gape di sašo butšwe ke diphoofolo go akaretšwa diphokobje le magotlo ao a sa bonaleng a swenyega ka tatso ye ya go galaka ya dienywa ya go hlolwa ke seduti.
Dipeu
Sehlolo sa go butšwa se na tatso yeo e nkgago monate le mohlomongwe ka lebaka la go ya ka dikarolo tša sebabole tša go swana le mehuta ye mengwe ya Cucumis melo L. Ga go mohlala wa tatso ya seduti ka go sehlolo sa go butšwa. Sehlolo se ka rekišwa le go šomišwa go dira aesekherime, gomme e ka ba go omišwa le go kgahlišwa ya tlotšwa ka tšhokolete. Dipeu tšeo di šetšego di rekišetšwa setšhaba ša Yuropa ka lebopong la Walvis di ka godiš mmaraka wa tšona ka go rekiša peu ka moka goba go tloša mokgopa w aka ntle wa go omelelago ka diphuthelwa tša go phutela dikoko.
Go sa hwetšege ga tšona go swanetše go fana ka theko ye e godimo kudu ye lefšago le go thuša ekonomi ya Barwana ka mo lefelong le. Mafelo a go dira Aeskerimi le go omiša ka go kgahlišwa di fela sebaka sa dikilometara tše 30 go Barwana. Bogwera le Difeme tše nago le kgahlego go rekišeng sehlolo se sa moswananoši sa go b ale monkgo wo botse sa Acanthosicyos horridus se ka phethagatšwa go tšweletša pele kaonafatša ya ekonomi ya batho ba ba lego badula hlago ka moo lefelong leo.