Umzimba womqasa kufanele unekwe ihloko iqaliswe phasi ukwenzela bona amathumbu arhone ukubonakala. Awunekwe ngama-hooks abukhali ahlonywe enyaweni ezingemva phakathi kwe-Achilles tendon nethambo phezulu kwejoyini yehugu. Faka umukhwa obukhali wokukhipha isikhupha ongaba yi-12cm, sika iskhumba senyawo zangemva zomqasa usivule uze ufike emrabhini womsila, encenyeni yomsila osesidunwini. Susa iskhumba enyameni yegoji ngalinye ngomuno. Phutjhela umsila ususe ithambo wenzele bona umsila usale unamathele iskhumba segoji langemva ngalinye kanye nezitho zangasese namathumbu uqiniseke bona zingehlangothini lamathumbu.
Ragela phambili ususe iskhumba emzimbeni usisephasi, njengekawosi naliphendulelweko ususa isikhumba kusuka emgogodleni womqasa kuya emsileni susa iskhumba esisemathunjini ngemino uze urhone ukufaka izandla zakho phakathi kwamathumbu neskhumba. Sika izitho zangasese eskhunjeni ngaphambili wenzele bona zisale zinamathele ku-rectum nemzimbeni ophakathi kwenyawo ezingaphakathi. Njeke iskhumba sesilungele bona singasuswa singakasekelwa-tjheja bona ungadabuli imisipha ephakathi kwamathumbu.
Susa isikhumba senyawo ezingaphambili kuze kusale amaqatha nehloko kwaphela esikhumbeni esihlutjiweko. Njeke sika amajoyini wamaqatha wangaphambiIi, sika ihloko phezulu entanyeni, nanyanaphezulu ngendlela ongarhona ngayo. Beka iskhumba sisese namaqatha wangaphambili nehloko uzokuragela phambili ngazo nasele uqede ukulungisa umzimba.
Sika kancani phakathi naphakathi kwamathumbu womqasa kodwana ungabhobozi izitho zangaphakathi. Ragela phambili ngokutjheja usike uze ufike pheze ezithweni zangasese zomqasa. Njeke sika i-cartilage ngahlanye kwezitho zangasese nenge muva. Utjheje ungadabuli amaphayiphi wesinya newamathumbu.
Sika godu ufike emathunjini ususe i-viscera esese nesinya, utjheje bona ungadabuli i-gall bladder nanyana isbindi ekufanele sisuswe khonokho. Njeke susa i-diaphram membrane ukuze uthole amaphaphu uwasuse kanyekanye nephayiphu lomphimbo. Sika iskhumba esizombeleze ihloko, isbindi, izinso, ihliziyo namaphaphu zoke ziyadliwa, njeke zibeke uzisebenzisengendlela oyithandako. Susa iinyawo zangemva ngokuzisika ejoyinini yehugu ngendlela etjhiya imisipha ebambe amathambo wamagoji isabambelele.
Nawuqeda ukuhlanza umzimba ngetjhila elithambileko sele ukulungele bona ungawusekela. Ukuwusekela goba amahugu uwalethe phambili esifubeni. Dosa ama-flank flaps ukwenzela bona abonakale arondo.
Translated by Busisiwe Skhosana