Ukudla kokungezelela kungaphiwa iinkomo nge-flat rate okutjho bona zingaphiwa ukudla okulinganako nanyana nge-step rate okutlhadlhula isikhathi okufanele uziphe ngazo. I-flat rate kunanyana upha iinkomo ukudla okulinganako qobe lilanga ukusuka lokha nazisanda ukuthola amakonyana ukuya ekugcineni kwesikhathi sokumunyisa. Isibonelo i-Holstein izokutlhoga i-9 kg /qobe lilanga ngeskhatheso soke.
I-step rate feeding system kunanyana upha inkomo ukudla okungalinganiko okuya ngeengaba ezahlukeneko zokumunyisa. Isibonelo i-12 kg/day ukusuka lokha nazimakonyana ukuya emalangeni ayi-100 imunyisa (DIM),i-9 kg/day ukusuka ku-101 ukuya ku-200 DIM bese kuba yi-101-200 DIM kulandele i- 6 kg/day qobe lilanga ukusuka ku-201 DIM yalokha ibisi nalomako.
Inani elifanako lokudla lingaphiwa iinkomo eziphiwa ukudla okwehlukileko, nanyana kunjalo amaprotheyini kanye namandla asekudleni ayehluka. Isibonelo, ukudla okuphiwa iinkomo ezisemadlelweni kurholela ekutheni zibe namandla kanye namaminerali, lokha ukudla okuphiwa iinkomo ezidla i-oats kanye nehoyi kufanele zibe namaprotheyini angaba yi-19%. Inani elifanako lokudla lingaphiwa iinkomo.
Nanyana ziphiwa ukudla okunekhwalithi enengi engaba yileveli eyi-12 kg/qobe lilanga lokha nazithoma ukumunyisa, amandla athathwako avamise ukunganeli. Lokhu kungarholela ekutheni iinkomo zisebenzise amafutha eziwabeke emzimbeni ukukhiqiza ibisi zenze iinkomo bona zonde.
Lokha nazinebisi elihlangana nendawo (101-200 DIM) umkhiqizo webisi kanye nobujamo bomzimba beenkomo kufanele kutlhogonyelwe. Lokha zisesigabeni sokugcina sokumunyisa, umkhiqizo webisi uyancipha, iinkomo ziba nabenamandla alinganisiweko. Ubujamo bomzimba beenkomo buba ngcono okungarholela bona zinone. Okutjho bona iinkomo ezinonileko zibiza imali.
Ukupha iiNkomo Ezilisiswa Ukumunyisa Ukudla
Iinkomo zilisiswa ukudla emalangeni ayi-50-60 ngaphambi kokobana zimithe elinye ikonyana. Iskhathi sanyana zomile zingasamunyisa siqakathekile ekuvuselelekeni kwamaseli akhipha ibisi ebeleni. Iinkomo ezomileko nanyana ezilisiswa ibisi kufanele ziphiwe zizodwa ukudla ngombana zitlhoga ukudla okuncani. Akukafaneli zinone khulu ngombana ukuzinonisa kuyabiza begodu kungabanga imiraro efana ne-ketosis ngemva kokobana zithole amakonyani.Ukudla akukafanei kube neleveli enengi yamaprotheyini ngombana lokhu kwenza bona kubize ukuzipha ukudlokhu lokha kujamiselela ukudla okungabiziko.
Imiphumela emkhiqizweni webisi yehlisa amaleveli aphezulu wama-concentrates. Isibonelo ukupha i-0-4 kg yama-concentrates kuzokukhiqiza umkhiqizo webisi oyi-0.72 kg qobe ikhilogramu yama-concentarates,kodwana ukuzipha i-4-8 kg of concentrate kuzokurholela ekutheni zikhiqize ibisi eliyi-0.35 kg Njeke ungaziphi amaleveli aphezulu wama-concentrates ngombana ibisi ezilikhiqizako lizokuphunguka.Translated by Lizzy Shongwe