I-Catfish ikhula msinya, yifesi ehlala emanzini afuthumeleko efaneleka ukukhiqizwa lapha kusetjenziswa khona isistimu yamanzi atjhisako. Ukukhiqizwa kwe-catfish eSewula Africa akukandi kodwana kutjengisa bona kungaletha inzuzo.
Umukghwa we-Catfish
Ukwenza izinto ezilandelako lokha nazikhiqizwa ngokusebenzisa i-aquaculture:
Ezikhula msinya. I-catfish ingakhula ifike ku-1 kg ngenyanga ezisithandathu.
Akubizi ukuyikhulisa: Zirhona ukukhiqiza amaqanda ayi-50 000 qobe i-kg, begodu zibekela amaqanda qobe ngemva kwemveke ezibunane.
Zirhona ukuphefumula emanzini njeke nanyana i-oxygen iyincani azitlhogi enengi.
Zivumela kobana ufuye ezinengi ezingafikelela amakhilogramini adlula kwayi-500 emanzini amalitha ayi-1000.
Ziqinile naziza emanzini ayikhwalithi.
Zineskhumba esinekhwalithi ehle, begodu azinamathambo enyameni.
Omunye umhlobo wefesi ekuyifesi enezinyo elibukhali, i-Clarias gariepinus ithikha woke amabhokisi begodu yifesi ehle khulu kobana ingafuywa ngendlela ye-aquaculture ephasini loke. Njeke akurari kobana ukukhiqizwa kwayo ephasini loke sele kukhula msinya kangaka.
Ukukhiqizwa kwe-Catfish Ephasini Loke
Ukukhiqizwa kwe-catfish ngobunengi kwenzeka enarheni yange-Nigeria e-West Africa, kodwana kunezinye iinarha ezikhiqiza eminye imihlobo yemfesi ezihle, ekubalwa i-Holland Hungary kanye ne-Cuba.
Ngebhadi, iSewula Africa isasalele emva nangaphandle kokobana kutjalwe imali enengi ekufuyweni kwemfesi enarheni le ngeminyaka yabo-1990. Ikareko lokufuywa kwe-catfish ligcine sele liphelile ngemva kweminyaka embalwa. Abantu egade badosa phambili ihlelweli gade sele batjheje khulu kobana bathole umkhiqizo kodwana bakhohlwe kobana bazoyithengisela bani. Kuthe nasele ilungele ukobana ingathengiswa ifesabo leyo, bathola bona abanabo abantu abazobathengisela eSewula Africa ngebanga lokobana zekolo zingavumi bona ifesi leyo idliwe ngombana inganamaskeyili, njeke gade bahlumbana bona idla inyama.
Sele kuthome ikareko elikhulako lokufuya i-catfish ukuzalisa iintlhogeko zenarha le,nanyana nenarha zangaphandle ziyitlhoga nje. Amabubulo ambalwa amancani sele athome ukufunda ekubhalelweni kokwenza ibubulweli kwesikhathi sangaphambili. Ibubulo ngalinye sele lithuthuka kancani kancani begodu liqiniseka bona linemaraga lapha bazoyithengisa khona nabaragela phambili.
Ibubulo linye elikhulu sele litlanywe e-hub esendaweni ye-Graaf-Reinet. Lapha i-catfish ifuywe khona, kwenyiwe ngayo imikhiqizo ye-catfish efana ne-sausage kanye namaphethi wama-burger asatjalaliswa esifundeni sange-Eastern Cape. Eminye imikhiqizo yayo esalako bayitjhugulula benze ngayo ukudla kwenlwane. Iresetjhi engeneleleko yezemaraga le, yenziwa ngesikhathi salokha nayihlelwako ukuqiniseka kobana ikhona ngembala imaraga yemikhiqizo yabo le.
Translated Busisiwe Skhosana