Muscate D'Alexandrie
Hanepoot

Ihlathululo

I-Muscat d’ Alexandrie imhlobo wamaderibe anekghono lokwenza okunengi, aziwa khulu ngokukhiqizwa ngewayini yomnambitho omnandi. Kanti-ke isuselwa emndenini we-Muscat. Umhlobo wawo wombala obukhobe uyatholakala, begodu waziwa njenge-Flame Muscat e-California kuthi eSewula afrika waziwe nge-Rooi Hanepoot.

Indabuko /Imvelaphi

Umhlobo lo udabuka e-Mediterranean. Okujayelekileko ngawo kukobana usukela esiphandeni esiseduze ne-Port Alexandria, nje-ke lokho kwenze bonyana ubizwe nge-Muscat d ’Alexandrie, begodu abarhwebi ababizwa ngama-Phoenician bawuthatha bawusa ku-ancient Greece, nekukulapho yasabalaliswa i-Europe yoke.

Amanye Amagamawo

Waziwa njenge-Muscat Romain eencenyeni ezinye zomhlaba kuthi eSewula Afrika ubizwe nge-Hanepoot.

Ukukhiqizwa eSewula Afrika

Umhlobo lo ukholelwa bonyana uyi-“Spanish druyfen”, nekuhlathulula bonyana maderibe we-Spanish, ngilawo ebegade atjhiwo ngu-Jan van Riebeeck edayarinakhe, abonakala angamanye wamaderibe ahlangana nangeniswa enahreni ySewula afrika kokuthoma. Umhlobo lo udume ngokufuthumeza ebusika.

Umkhiqizo Weemphande

Umhlobo lo uzwana neendawo ezinelanga elitjhisako nezinezinga eliphasi lomoya. Utjalwe pheze kizo zoke iindawo ezikhiqiza iwayini eSewula Afrika, kuthi i-Breedekloof ikhiqize isibalo esiphezulu endaweni, yona ilandelwe yi-Olifants River.

Ukukhula Nokuthela

Imhlobo okhula ngesilinganiso esiphakathi kanye nezinga eliphezulu lomkhiqizo, obalelwa ukusuka ku-20 t/ha to 23 t/ha nokho kuya nengobujamo bomkhiqizo.

Ukuvuthwa

Avuthwa ngokukhamba kwesikhathi, ukuyela ekupheleni kwenyanga kaNtaka.

Umomori

Anabomomori abakhulu begodu abarondo abanamakelo ahlaza satjani avamise ukutjhugulukela embaleni ohlaza satjani okuqarheke ngosarulana, pheze ukuyela egolideni elimthuthu, nasele avuthiweko. Amakelwawo amatsikana, kodwana aqinaqinile, kuthi ilingaphakathi lawo linamanzana amanandi nangana bala.

Amakari

Amakarawo ahlaza satjani okumyama, kuthi ubukhulu bawo kubesilinganiso esiphakathi nencenye erondo yesiphetho enencenye ezihlanu.

Iintjhabalalisi kanye Namalwelwe

Umhlobo lo ubuthakathaka ekurhoreni okumhlophe, ekutjhwabeni kwangaphambi kwesikhathi kanye ne-anthracnose. Ukoniwa lilanga nakho kumraro, ovamise ukurholela bonyana abenamabala asarulana nofana azotho ngebanga lomtjhiso khulukhulu emakarini amadala.

Umsebenzawo

Iwayini le yaziwa ngokuba namabhrendi, avamise ukukhiqiza i-Muscadel kanye Jerepigo, begodu zisetjenziselwa ukukhiqiza amawayini wematafuleni, ama-liqueurs, amabhreni, Grappa, table grapes, raisins, grape juice kanye ne-moskonfyt.

Umnambitho

Umhlobo lo waziwa ngokulethela iwayini yomnambitho omnandi kanye ne-flowery bouquets kanye nomnambitho weliju nobizwa nge-raisin flavours.Translated by Johannes Nkosinathi