Muscate D'Alexandrie
Hanepoot

© Glenneis Kriel

Nhlamuselo

Muscat d’ Alexandrie i wayeni ya madiriva yobasa, yitiveka ngopfu hiku humesa tiwayeni to nyanganya swinene. Leyi hiyinwana ya swirho swa ndyangu wa Muscat. Kuna leyi mihandzu yayona yinga ya pink leyi tivekaka tani hi Flame Muscat e California nale Rooi Hanepoot e Afrika Dzonga.

Ntumbuluko

Muxaka lowu wutumbuluke e Mediterranean. Leswi aswitekisiwa swona kusuka eku sunguleni hileswaku yi tumbuluke ekusuhi swinene nale Port of Alexandria, leswinga endla leswaku vito ra yona rivuriwa Muscat d ’Alexandrie, naleswaku vaxavisi vohuma e Phoenician lava vangayi teka kuyi yisa e Greece, laha yinga vuya yihundziseriwa eka matiko hinkwawo ya Europe.

Mavito Yanwani

Yitiveka tani hi Muscat Romain eka swiphemu swinwana swa misava naswona laha tikweni ra Afrika Dzonga yitiveka tani hi Hanepoot.

Vuhumelerisi e Afrika Dzonga

Kutshembiwa leswaku “Spanish druyfen”, leswi hi xinghezi swivulaka Spanish grapes, leswi Jan van Riebeeck anga switsala eka diary ya yena, leswaku hiyena anga sungula ku tisa madiriva lawa laha tikweni ra Afrika Dzonga. Ya dume ngopfu hiku kufumeta himinkarhi ya xixika.

Tindhawu ta Vuhumelerisi

Madiriva lawa ya rhandza ndhawu yo hisa laha na mati yakalaka swinene. Ya byariwile eka tindhawu leti humelerisaka wayeni laha tikweni ra Afrika Dzonga, laha Breedekloof yingana ndhawu yikulu swinene leyi humelerisaka wayeni, yi landzeriwa hi Olifants River.

Kukula

Nsinya wakona awukuli ngopfu kambe wuna vuswikoti bya vuhumelerisi lebyinga kwalomu ka 20 t/ha kuya eka 23 t/ha kuya hi xiyimo ya vuhumelerisi.

Ku Vupfa

Ya vupfa endzhaku ka nkarhi woleha swinene, kuya emahelweni ya March.

Mihandzu

Mihandzu yakona iyi kulu yiva xirhendzevutani yitlhela yiva na nhlonge ya rihlaza leyi cincaka yiva ya xitshopani kuya eka yo basa kumbe nsuku wobasuluka loko ya vupfile. Nhlonge ya kona yilarile kambe yitsindziyerile kasi lendzeni ka vonikela, kuva na mati lawa ya nyanganyaka swinene.

Matluka

Matluka ya wona iya rihlaza ro dzwihala, aya kulangi ngopfu naswona yana swiphemu swantlhanu.

Switsotswana na Mavabyi

Nsinya wakona wuchava ngopfu white rust, downy mildew na anthracnose. Kutshwa hi dyambu i xiphiqo lexikulu swinene leswi endlaka leswaku matluka yava na swicoticoti swa xitshopani na buraweni ngopfu ngopfu eka matluka yak hale.

Switirhisiwa

Wayeni leyi yitiveka ngopfu hikwalaho ka vuswikoti lebyi yingana byona lebyi endlaka leswaku yikota kuhumelerisa Muscadel na Jerepigo, naswona yitlhela yikota kuhumelerisa tinwana ti wayeni leti katsaka ti table wines, liqueurs, brandy, Grappa, table grapes, raisins, grape juice na moskonfyt.

Nantswo

Muxaka lowu wa wayeni wuhumesa minantswo yohambana hambana kusuka eka lowu twalaka onge wufambelana na xikatsa xa mabilomu, honey nati raisins.Translated by Ike Ngobeni