Muscate D'Alexandrie
Hanepoot

© Glenneis Kriel

Ṱhaluso

Ndi mutshelo wa nḓirivhe tshena, Iḓivhelwa u bveledza veini ine ya ḓifhelela. Ndi inwe ya muṱa wa Muscat. Hune hu ya wanala mitsheo ya pinki ine ya divhea sa Flame muscat kha ḽa California na Rooi Hanepoot kha ḽa Afrika tshipembe.

Vhubvo

Ina hune ya bva hone hangei Mediterranean. Zwine zwa tou ḓivhea nga maanḓa ndi zwauri ina hune ya bva hone hangei tsini na port Alexandria, ngazwo ina dzina heḽi ḽa Muscat d Alexandrie, na zwauri zwa kale yo vhuya ya dzhiiwa ya iswiwa Greece, ubva hafho ya kona u iswa kha ḽothe ḓa Europe.

Manwe Madzina

I ḓivhiwa sa Muscat Romain kha zwipida zwinzhi zwa shango, khaḽa Afrika Tshipembe ndi Hanepoort.

U Bveledzwa kha ḽa Afrika Tshipembe

Hu na lutendo lwa uri ndi Spanish druyfen zwine nga luisimane wa amba uri Spanish Grapes (nḓirivhe dza Spanish) zwine Jan van Riebeeck musi atshi zwi amba kha diary yawe, ndi inwe ya dzi veini dzo thomaho u swika kha ḽa Afrika Tshipembe. I ḓivhelwa upfi ndi ya vhuria.

Manwe Madzingu ane ya Bveledzwa Khao

Nḓirivhe heyi I funa fhethu hune ha fhisesa. Yo ṱavhiwa hothe hune ha bveledzwa veini kha ḽa Afrika tshipembe hune Breedekloof ndi yone ine ya vha uri yo ḓalesa hone ha tevhela mulamboni wa Olifants.

U Aluwa

Iya aluwa nga maanḓa u swika henefha kha 20t/ha uyaa kha 23t/ha. Zwi tshi bva kha nyimele ya u bveledziwa.

U Kaṋiwa

I ya lenga u kaṋiwa. I kaṋiwa henefha mafheleloni a ṅwedzi wa Ṱhafamuhwe.

Mitshelo

Mitshelo ndi mihulwane yo itaho tshipulumbu, ine lukanda lwa hone musi yo no hula lwa vha muvhala wa tshitopi wo leyaho kha mutshena. Wo tou sedza zwavhuḓi unga vhona unga ndi muvhala wa musuku, musi i tshi kaṋiwa. Lukanda lwa hone ndi lusekene, fhedzi lwo khwaṱha, lukanda lu a vhonadza lwa ḓifhelela.

Maṱari

Maṱari ndi madala-dala, avha na tshivhumbeo tsho linganelaho, avha na vhana vhaḓanu.

Malwadze na zwi no i Tshinyadza

Muri hoyu a u anḓani na murotholo na zwivhungu zwi ya kona u u tshinyadza. Na ḓuvha na ḽone ḽi ya u tshinyadza, zwa sia na maṱari mahulwane o no shandukisa na muvhala.

Mushumo

Heyi veini i ḓivhelwa u shuma u vanganyiwa na dzinwe veini nau bveledza Muscadel na Jerepigo, ya dovha ushuma u ita dzi veini dza ṱafulani, mahalwa, brandy, Grappa, nḓirivhe dza ṱafulani, dzi raisins, juice ya nḓirivhe na Moskonfyt.

Muthetshelo

I ḓisa dzi veine dza muthetshelo wa maṱhakheni na maluvha na mitoli na u ṱanganelana ha dzi nḓirivhe dzo omiswaho.Translated by Khalirendwe Nekhavhambe