Ihlathululo
I-Merlot mhlobo wamaderibe wewayini abomvu asukela ekuvangweni ne-Cabernet Franc kanye ne-Magdeleine Noire des Charentes. Igama lomhlobo lo lisuselwa egameni le-Bordeaux elithi-“little blackbird” (inyonyana encani enzima), lokhu kungombana iinyonezi begade zinombala onzima okuqarheke ngohlaza okufana namaderibe la nofana ngokuthi begade zithanda ukudla umhlobo lo i- Merlot wamaderibe.
Imvelaphi/Indabuko
Umhlobo lo besolo usesiphandeni se-Bordeaux ye-France ukusukela ngesikhathi se-18th century. Umkhiqizo enarheni ye-France ukhe wabaneenkinga ukusuka ngomnyaka ka-1950s, okwathoma ngerhwaba elona kumbi iimvino eminengi yama-Merlot (kanye ne-Malbec). Kwatjalwa iimvino emitjha ukwenzela ukuyijamiselela emnyakeni owalandela lowo, kodwana inengi lawo lonwa kubola.
Ukutjalwa okhunye nokhunye okwalingwako kwabonakala kuhlangabezana nehlekelele. Isimesi saba simbi khulu okwagcina ngokuthi iimphathimandla ze-French ngomnyaka ka-1970 zajamisa ukutjalwa kwe-Merlot etja. Ukujanyisokhu kwaphakamiswa ngomnyaka ka-1975 ekukhuphukeni kwesibalo seentjalo zamawayini kezinye iindawo emhlabeni.
Amanye Amagamawo
I-Merlot kanengi ubizwa nge-Merlot noir, ukwenzela ukuwuhlukanisa emhlobeni wawo omhlophe wewayini ebizwa nge-Merlot blanc. Amanye amagamawo afaka hlangana i-Petite Merle, Merlau, Vitraille, Crabutet, Bigney, Semillon Rouge kanye ne-Medoc noir.Umkhiqizwawo eSewula Afrika
Nanyana umhlobo lo wathoma ukubakhona enarheni ukusuka ngominyaka ka-1920s, kwathi umkhiqizo wathoma phakathi eminyakeni yabo-1990s, ngebanga lokwaziwa kwawo emivangweni ye-Cabernet blends kanye nomhlobo ongakavangwa.
Umkhiqizo wakhuphuka ukusuka eheregeni eyodwa ngomnyaka ka-1976 ngemva kwalapho wadlula amahegere ama-5 550 ha ngomnyaka ka-2016. I-Overgaauw e-Stellenbosch ithathwa njenge wayini yokuthoma yokukghona ukwenza iwayini eyenziwa nge-Merlot kwaphela.
Umkhiqizo Eemphandeni
I-Merlot yenza umsebenzi omuhle khulu eemphandeni zobujamo bezulu obupholileko nebehlabathi enamandla wesilinganiso esiphakathi.
Kudingeka bonyana ukuthelelelwa kwenziwe khudlwana emhlobeni lo njengomba uhlulwa khulu sisomiso ngesikhathi sokuvuthwa. Utjalwa pheze iSewula Afrika le yoke, kuthi i-Stellenbosch kube ngiyo edlala indima ekulu ngaphasi kwemikhiqizo, bese ilandelwe yi-Paarl.