Merlot

Ṱhaluso

Merlot ndi muri wa veini tsuku ine ya aluwa ubva kha Cabernet Franc na Magdeleine Noir des Charentes. Dzina ḽa muri hoyu ḽo bva kha ḽiipfi ḽa Bordeaux zwine zwa amba “ tshiṋoni tshiṱuku tshitsu” ungari hetshi tshiṋoni tsho vha tshi na muvhala muthihi na wa nḓirivhe kana ngauri zwoṱhe zwifuna uḽa mutshelo wa Merlot.

Vhubvo

Hoyu muri wo vha hone hangei Bordeaux ubva nga centuari ya 18. U bveledzwa hayo kha ḽa France zwo i salelisa murahu minwahani ya vho 1950, hu tshi vho sokou thoma u vha na khuli ye ya ḓo tshinyadza Merlot (na Malbec). Ha vho kona ha u ṱavhiwa minwe miri hu tshi valiwa tshikhala tshayo tsha minwaha tevhelaho, fhedzi vhunzhi hayo yo fhedza yo tshinyadziwa nga u siṋa.

Miri yoṱhe miswa musi i tshi fhedza u ṱavhiwa hu mbo di sokou bvelela zwikhukhulisi. Zwa vho ita uri muvhuso wa France u si tsha ṱoḓa hu tshi ṱavhiwa Merlot. Tshigwevho tsha vho ḓo tsitselwa fhasi nga nwaha wa 1975 nga u anda ha veini kha ḽifhasi.

Manwe Madzina

Merlot iya fanyiswa na Merlot noir, u dzi fhambanyisa ndi musi huna veini tshena ine ya vhidzwa upfi Merlot blanc, dzinwe hu kateliwa Petite merle, Merlau, Vitraille, Crabutet, Bigney, Semillion Rouge na Medoc noir.

U Bveledzwa kha ḽa Afrika Tshipembe

Mutshelo hoyu wo vha kha ḽa Afrika Tshipembe ubva nga nwaha wa 1920, wa thoma u bveledzwa vhukati ha nwaha wa 1990 nga u thoma u ḓivhea hayo kha Cabernet blends na u ḓivhiwa sa veini ine ya ḓiimisa nga yoṱhe. U bveledzwa ha hula ubva kha hectara nthihi nga 1979 ya vha I 5 550 ha nga 2016. Zwazwino kha ḽa stellebosch ndi yone ine ya dzhiiwa sa veini ya u thoma u bveledza veini yo no bva kha Merlot.

Madzingu ane ha Bveledzwa Khao

Merlot i shuma zwavhuḓi nga maanḓa arali i fhethu hune ha rothola hune ha vha na mavu are na mutakalo, hu fanela u vha fhethu hune ho no ḓowela ndimo ngauri a i pfani na fhethu hune ha vha na gomelelo. Iya ṱavhiwa kha ḽoṱhe ḽa aAfrika tshipembe hune havha uri hu ya bveledzwa dzi veini ngeno huna uri yo ḓalesa kha ḽa Stellenbosch ha tevhela Paarl.

U Aluwa

I ya aluwa zwavhuḓi yo linganelaho ivha I 8t/ha na 12t/ha.

U Kaṋiwa

I kaṋiwa vhukati ha khalanwaha mathomoni a nwedzi wa Ṱhafamuhwe.

Mitshelo

Mitshelo ina tshivhumbeo tsho linganelaho tsha tshipulumbu na muvhala wa makole wo yelaho kha mutsu musi I tshi kaṋiwa. Lukanda lwa hone ndi lusekene ngeno ina muthetshelo wo no nga maḓi.

Maṱari

Matari aya suvhelela, avha na muvhala mudala.

Zwiḽi na Malwadze

I ya kona u lwisa vhunzhi ha malwadze nga nnḓa ha murotholo wo kalulaho. Zwa u sina zwi vhonalesa fhethu hune ha vha hu tshi khou rothola. I ya vhaiswa nga muya, usa vha hone ha maḓi na mufhiso.

Mushumo

I shuma u bveledza veini ine ya vha yo ḓiimisa nga yoṱhe na u shuma yo ṱangana na dzinwe veini sa Carbernet Sauvignon na Carbernet Franc.

Muthetshelo

Kha ḽa Afrika Tshipembe hu bveledzwa veini ine ya vha yo swifhala ine ya vha ina muthetshelo wa mitshelo.Translated by Khalirendwe Nekhavhambe