Emizini eminengi yeSewula Afrika sele ngokuya kwesikhathi kubanzima ukupha imindeni izakhamzimba zezinga eliphezulu, eziqakathekileko ekukhuleni nepilweni ehle. Ngaphambi kobanyana umphakathi nemindeni ingaqala iintenetjha njengokudla, kufuze kutjhejwe izinto ezimbalwa.
Kufuneka itoni yemirorho. Kuqakathekile bonyana kube netoni yemirorho ukwenzela bonyana kuphiwe umndeni imirorho esesemitjha ngaphezu kweendingo zomndeni unyaka woke.
Kube nokuphakelwa kwamanzi kangeni.
Indlu ezakuvikela intenetjhe ebujameni bezulu, iinlwanini eziyingozi nepha indawo ekuhlaleka lula kiyo iyodwa.
Umuntu omluleki nomyelelisi ozakufundisa ukuqinisekisa ipumelelo yomfuyi kanye nokubalekela ubungozi bokungaphathi ngendlela ekungasiyo iintenetjha ngebanga lokutlhayelelwa lilwazi.
Kubayini Ufuye Iintenetjha?
Iinzathu zokubhura ngeentenetjha zifaka okulandelako:
Kokuthoma, iintenetjha zikhula msinya begodu zingamithisana nazineenyanga ezingaba zihlanu ukuya kezibunane zobudala, nokho kuya nangomhlobo. Zimhlobo onenzuzo, zikghona ukuba namadzinyana amanengi ngesikhathi esisodwa kodwana adlula kalitjhumi akakavami. Zikghona ukuzala bezikhulise amadzinyana angaba mahlanu ukuya kabunane ngezinga lokuzala kane nofana kasithandathu ngonyaka iminyaka engaba mithathu ukuya kemihlanu – lokho kungaya nangendlela nelawulo lazo.
Kwesibili, iintjenetjha zidinga indawana encani khulu naziqathaniswa neminye imihlobo yeenlwani zenyama, zipha umkhiqizo ophezulu kenye nenye indawo lapho zikhiqizelwa khona inyama. Zimhlobo weenlwani ezikghona ukutjhugulula umhlobo wokudla okuqinileko okunezakhamzimba begodu zikghona ukukhiqiza inyama engaba yi-2.72 kg ngokudla namanzi okufana nalokho ikomo ekudingako ukuthi ikhiqize inyama engaba yi-450 gm. Ukusetjenziswa kwamandlazo eziwazuzako kungaphasi kwezimvu nofana iinkomo.
Iintenetjha azibangi ukudla kwabantu begodu zingasebenzisa, ukudla okusesekutjha kwangekhwitjhini, iinsalela zangetonini neemilo ezimileleko nanyana lokho kungakhuthazwa bona kwenziwe nje njengokudla kwazo okukodwa.
Umkhiqizo Weentenetjha
Iintenetjha zikhiqiza imihlobohlobo yemikhizo yokudliwa nofana ithengiswe, zoke njalo zingangezelela intengo ukuya phambili. Ukungezelela phezu kwemikhiqizo, kunoboya obungabuthelelwa ngesandla nofana buthunyelwe lapho kukhiqizwa khona imikhiqizo ngabo, nangabe bungebezinga eliphezulu ukwenzela ukubeka intengo ephezulu. Iinkhumba ezisetjenziswa emarhwebeni wefetjheni kufuze asetjenzelwe khona ngendlela yakhona, kodwana izinto zokudla, iimada, amaphatjhana njalonjalo, kungenziwa ngesandla. Isibiindi sentenetjha singatjhugululwa senziwe umqhelo obizako. Uthuvi bayo bungabuselwa engadini nofana bonyiselwe ukuthengiswa.Isikhumba sayo sipha isembatho esiphambili nesikarisako. Nokho kuyanangomhlobo nobudala bayo ehlatjwe kibo, umzimba wentenetjha ungaba phakathi kwama-50% ukuya ema-65% wesilinganiso sobudisi bepilwayo, kuthi ubukhulu obuphakathi kwama-78% nama-87% kube ngedlekako.
Kokugcina, inyama yentenetjha inezakhamzimba begodu inambitha kamnandi. Imumatha ama-protein wezinga eliphezulu asiza ngokugaya ukudla ngendeni ukudlula zoke iinlwani ezifuyiweko. Inyama yentenetjha imumatha ama-21.8% wama-protein kuthi ikukhu ibe nama-20% begodu imvu yona iba ne-15.7%. Ngale kwalokho, inezinga eliphasi lamafutha ne-cholesterol begodu inothile ngama minerali, inyama yentenetjha ilungele khulu ukudla okungakajayeleki nofana abantu bezemidlalo abazibandulako.
Translated by Johannes Nkosinathi