Imihlobo Eminye Yefarigi

I-Kolbroek

©Jens-Birger Gielbelmann of Zenzele Farm

I-Kolbroek mhlobo wefarigi yendabuko yeSewula Africa. Kunemibono eyahlukeneko ngokobana ivelaphi nokobana ilithole njani ibizo layo, ngombana ibizo layo litlhadlhula amatjhatjhazi enawo ibizweli ngelei bhuru-“Kolbroek” elitjho bona amatjhatjhazi ngesindebele.
Ifarigi le ilungele ukukhuliselwa ngaphandle ngombana iqinile, ayitjhwenyi, begodu idla kuhle iyarhona ukuphila ngokudla okuncani. Ngokuya nhokwencwadi ka-David Visser i-Modern Pig Production, zidla nanyana yini edlekako, kungabasthelo esiwe engadini, imirorho, iinsalela zokudla zekhitjhini, iinsalela zentjalo.
Iinkhumba zazo zinzima begodu azitjhiswa lilanga iimfarigi ezisikazi zibomma abahle. Zikhiqiza amaputwani ayi-6 ukuya ku-9. Lokha nayihlanganiswa ne-Duroc kanye ne-Large white ikhiqiza amaputwana ancono, inekhwalithi yenyama ehle. Inyama yayo ayithandwa khulu emarageni ngebanga lokuninwa, kodwana ngokwesiko iyathandwa.

I-Piètrain

©Liezel Grobler, SA Stud Book

Mhlobo wemfarigi ohlangana nendawo onamatjhatjhazi anzzima avela ekrestini lange-pietrain, ngenarheni yange-Belgium. Sinenyawo ezifitjhani kunemihlobo eminengi yemfarigi begodu inomzimba omkhulu nawuya emgogodlheni. Inhluthu ezinzama azisinzima khulu njengezinye ezinamatjhatjhazi anzima.
Ifarigo yomhlobo we-pietrain yalethwa ngenarheni le yeSewula Africa ngonyaka ka-1997. Imfarigi eziduna zinemisipha begodu zilindele ukusetjenziselwa ukukhiqiza ezinye lokha nazinenyanga ezibunane. Zilungele ukusetjenziselwa ukwenza ncono umkhiqizo wenyama. Iimfarigi ezisikazi, azitlhogomeli abentwabazo.

Ifarigi Yomhlobo we-Large Black

©Liezel Grobler

Ifarigi yomhlobo we-Large Black enzima koke enendlebe eziwako ezivela efarigini ye-Old English Hog evela ngo-16th kanye ne-17th centuries. Yathoma yangena enarheni le ngeminyaka yabo-1910 kwabayifarigi ethandwa khulu enarheni le kwaza kwabanomhlobo wefarigi emhlophe. Akukavami bona umhlobo osulwa lo ongabe usesekhona enarheni.
Umhlobo wefarigi le, muhle lokha nawukhiqizwa ngaphandle, ngombana uqinile, begodu udla kuhle. Awutjhiswa lula lilanga, kunalezo ezimhlophe. Iimfarigi ezisikazi zibomma abahle zinerhono lokumunyisa begodu zirhona ukubeletha abentwana abanobukhulu obuhle.
Eminyakeni ezako, inyama yayo sele ininwa ngombana inombala onzima begodu uyenza bona itjhiwe imbewu embi yemfarigi, begodu bayayinina ekwenzeni i-bacon. Imaraga ye-Large black nezinye zayo.

I-Hampshire

Ifarigi ye-Hampshire evela wefarigi emhlobeni ye-old English. Yifarigi enzima enomthala omhlophe neskhumba kanye nenhluthu ezizombeleze amahlombe kesinye isikhathi efika eenyaweni. Intambo yesilwanesi yide kuneyezinye iimfarigi.
Ifarigi le yokuthoma yangeniswa ngenarheni yeSewula Africa ngeminyaka yabo-1980 yabayifarigi etja ehlanganiswa nesele zilapha ukwenza umhlobo omutjha wemfarigi. Lokha itholwa eenarheni ezinengi emaplasini we-United States, umhlobo lo awusathandwa eenarheni zange-Europe, Canada kanye neSewula Africa ngebanga lombala wawo onzima begodu unesotja eyenza inyama yembuzi ibe nekhwalithi embi.

Translated by Busisiwe Prudance Skhosana