Ngaphambi kokobana uthome ikghwebo lenkukhu, utlhoga ukuqabanga ngokobana uzokuthengesani begodu kuphi.Ungathatha isiqunto sokugcila ekukhiqizeni amaqanda, inyama, ukufuya iinkukhu, ukuphandluselwa kwamaqanda nanyana koke ukwenze koke lokho nangabe ufuye iinkukhu ezikwenza kokubili.
Nanyana kunjalo khumbula bona ukwenza lokho kutlhoga bona ube ngusiyazi, njeke kungaba nqono nawungagcila ekwenzeni kunye.
Ngaphambi kokobana uthenge iinkukhu zakho nanyana imitjhini .utlhoga ukwazi bona uzokuthengisela abobani, nokobana imakethe ifunani, nokobana bazimisele ukubhadala malini, begodu nokobana kuzokudla malini ukukhiqiza umkhiqizo loyo.
Iimaraga Zama-Broiler
Iimaraga zeSewula Africa nazo zingenyula iinkukhu ezikulu begodu zinomhlobo othile eziwenyulako. Abanye abafuyi benkukhu nabakhiqizi bamaqanda benza imali eemarageni ngokuthengisa iinkukhu zamaqanda esele zizidala nesele ziqedile ukubekela amaqanda Iinkukhu lezi ezithengiswa njengenkhukhukazi esele ziqedile ukubekela zibizwa bona ma- Cornish hens nanyana -Rocks emadorobheni.Iinkukhu esele ziqedile ukubekela zikulu zidala,begodu inyama yazo iqinile kunenyama yenkukhu ezithengiswa njengama-broiler.
Imithetho Yeemakethe
Kunezinye iimfuno ekufuzwe zitjhejwe. Iinkukhu kufanele zikhuliswe ngobuntu begodu kube ngeziphephileko bona zingadliwa – lokho akutlhogi bona bekuphikiswane ngakho, kizo zoke iimakethe.Abakhiqizi bazo abafuna ukuthengisela iimakethe ezisemthethweni, kufanele bakhambisane nemithetho eqinileko yentandadi zokuphepha nokukhiqizwa kwazo lokha nabafuna ukuthengisela iimaraga ezisemthethweni, iitandadi zakhona nazo ziyahlukahluka hlangana nabathengisi.Iintandadi zokuthengisa iinkukhu zomhlobo we-free-range zihluka ngokuya kwabathengisi zibaphezulu khulu lokha nawufuna ukuthengisa iinkukhu ezinjenge-free-range organic, ngombana lokhu kuzokubethanisa umhlobo wokudla neenhlahla ezizokuphiwa iinkukhwezo. (Funda ngokuzeleko ngokukhiqizwa kwenkukhu zomhlobo we- free-range)
Ubudala Bokuhlaba
Lokho kubalulekile lokha nawukhiqiza iinkhukhu ezinengi ezidla kudla okudurako okwenza bona zikhule msinyana, kunalokha uzikhulisa ngendlela yokobana zizifunele ukudla. Isikhathi esifaneleko ongakhulisa ngaso iinkukhu malanga ayi-32 kanye nemveke ezisithandathu.
I-value Adding
Iinkukhu zizokuthengiswa zifile namtjhana ziphila na? Enye yenzuzo zokuthengisa iinkukhu ezihlatjiweko eemarageni ezisemthethweni, kukobana abafuyi bazo bakghona ukuzi ayisisa zihlale esiqandisini lokha nazingathengwako. Begodu bakghona nokobana bathengise inyama yekukhu ezintokana.Kodwana okumbi ngoku ayisisa iinkukhwezo kukobana kwenza bona kube neendleko zegezi eziphezulu,zitlhoga imitjhini yokuzi ayisisa nokuzihlaba edurako kanye nendawo engezelelweko.Ngaphezu kwalokho, abafuyi bavunyelwe ukuzihlabela iinkukhu lokha bafuna ukuzidlela zona, kodwana ingasi lokha bafuna ukuzithengisa ngaphandle kokobana zihlatjelwe ebuhlabelo obuvumelekileko,ngokoya komnthetho wentandadi zokuphepha kwenyama.
Abanye abalimi bajamelana nesitjhijilo lesi ngokobana banikele abathengi babo indawo lapha bangahlabela khona iinkukhwezo emajaridini wabo, lokha abanye bahlanganisa imali yokobana bazivulele ubuhlabelo babo nendawo lapha balungisa khona iinkukhwezo.
Ukubekisa
Translated by Busisiwe Skhosana