Timakete ta Tihuku

Loko unga se sungula bindzu ra tihuku, u fanele ku hleketa leswaku uya xavisa yini na kona kwihi eka bindzu lera tihuku. Unga languta aka kuhumelerisa matandza, ku xavisa nyama, kumbe kukurisa tihuku, kumbe swikukwani leswaha ku tlhotlhoriwaka kumbe u endla hinkwaswo leswinga laha henhla. Tsundzuka leswaku hinkwaswo leswi swilava ku endliwa hi vukheta na landzelela swipimelo, lero swingava kahle loko wo languta ku endla xin’we xa swona loko u lava ku kula.
Loko unga se xava tihuku ta wena kumbe switirhisiwa, ufanele kulanguta lava unga kunguhata kuva xavisela, leswi timakete tilavaka swona, leswi vanga tiyimisela kuhakela swona xikan’we naku tiva leswaku swita ku durhela malimuni ku humelerisa swixavisiwa swa wena. Swingava kahle swinene kuva ukuma laha ungata xavisela kona/vona loko unga se sungula kuhumelerisa.

Timakete ta Swihukwani

©Chris Daly

Swihukwani leswi humelerisiwaka kuva swiyava nyama swivuriwa ti broilers. Makete wa ximfumu wu langutela kuteka tihuku leti titikaka kwalomu ka 1,8 kilogram, kasi laha kukumekaka swakudya swa xihatla vatsakela letintsongo nyana. Timakete tale Europe na America titsakela tihuku letikulu swinene kutlula leti laviwaka hi Afrika Dzonga, leswi swiendliwa hiku vadya ngopfu xifuva na tipiku. Swirho leswinwana kufana na mathangha na swirho swinwana swiyisiwa eka matiko yanwana.
Makete lowunga lawuriweki wa laha Afrika Dzonga wunga tsakela tihuku letikulu swinene naswona wuva na ntsakelo wa muxaka wokarhi wa tihuku. Vafuwi vanwana va tihuku nava humelerisi va matandza vakota no endla mali hitihuku letinga ha humelerisiki leswinga languteriwa kufana nalekusunguleni, laha kunga tihuku ta xisati leti se tinga heta ku tshikela matandza.Tihuku leti ti xavisiwa tanihi (Mkokoroxi) Cornish hens kumbe Rocks emalokixini. Tihuku leti tiva tiri letikulu swinene, ita khale naswona nyama ya tona yitsindziyerile kutlula leti xavisiwaka tiri ta nyama.

Vulawuri bya Timakete

Swilaveko swinwana swifanele ku tekeriwa enhlokweni. Tihuku tifanele kukurisiwa hi ximunhu naswona swiva swihlayisekile kuva tidyiwa naswona aku burisaniwi hinchumu e ka timakete leti. Vahumelerisi lava lavaka kuyisa tihuku tavona eka timakete leti lawuriwaka vafanele kulandzelela milawu ya vuhlayiseki bya swakudya xikan’we na swipimelo leswi hambanaka kuya hi vaxavisi vohambana hambana.
Swipimelo swo xavisa tihuku leti tani hiti free-range naswona swihambana kuya hi vaxavisi naswona swingava ehenhla swinene loko ulava ku xavisa tani hiti free-range organic, hikuva leswi switava na xiave eka swakudya na mimirhi leyi yifaneleke kuva yinyikiwa tihuku leti.

Nkarhi wo Dlaya

©Chris Daly

Xin’wana xivutiso xankoka kuxi tekela enhlokweni i vukhale bya huku lebyi yingata xavisiwa yibyi fikelerile. U fanele kuhlayela mali leyi swingata ku tekela yona kuhlayisa tihuku hi siku xikan’we naku kuma nkarhi lowu tihuku tifaneleke kuxavisiwa kusivela leswaku tiku hetela mali leyi unga yi endla eka bindzu. Leswi swingava na nkoka swinene eka tihuku leti tiphameriwaka swakudya swodurha leswaku tita hatlisa tikula, kutlula laha tihuku tingo tshikiwa titi lavela swakudya hitoxe. Nkarhi wa kahle eka leti tithlayisiwaka wutala kuva wuri exikarhi ka 32 wa masiku na 6 wa mavhiki.

Kungetelela Ntikelo

Xana tihuku tita xavisiwa tikarhi tihanya kumbe tifile ke? Xin’wana xa kahle hiku xavisa tihuku ti file eka makete lowunga lawuriweku swipfumelela n’wamapurasi kuva a omisa tihuku letinga vekiwaka loko tinga xaviwangi. Swinga tlhela swiva olovela kuva vati xavisa tani hiti phisisi tinene.
Leswi swingariki kahle hiku omisa nyama hi xigwitsirisi hileswaku swita tlakusa gezi leritirhisiwaka, swinga lava xigwitsirisi xodurha xikanwe na michini yo dlaya hi yona yinga durha xikanwe no lava ndzhawu yikulu. Ehenhla ka sweswo, van’wamapurasi vapfumeleriwa ku dlaya tihuku leti lavaka ku dyiwa hivona kambe kungari kuxavisa handle kaloko ti dlayiwe eka ndzhawu yo dlayela leyi pfumeleriweke kuya hi Meat Safety Act.
Van’wana van’wamapurasi vahlula xiphiqo hiku nyika vaxavi ndzhawu yodlayela eka yona kwala vanga xava kona tihuku, kasi vanwani vaxava michini vati endlela tindzhawu ta vona to dlayela eka tona.

Ku Xavisa Vito

©Chris Daly

Xivutiso xin’wana hileswaku xana uta tsarisa vito ra wena eka swixavisiwa swa wena leswaku swita tiveka swixavisiwa swa wena ke? Leswi siwngava swingari na nkoka loko wahaku sungula, kambe swinga pfuna kuva u hambanyiseka eka lava u phikizanaka na vona eka bindzu leri loko se uri na vito.

Translated by Ike Ngobeni