Chenin Blanc

© Glenneis Kriel

Ihlathululo

I-Chenin blanc mhlobo wamaderibe wamawayini amhlophe akhiqiza iwayini yetafuleni, enganabala, kanye ne-fortified wines, ezifana ne-port, sherry kanye ne-bhrendi. Kumhlobo wamderibe wewayini otjalwa ngokubanzi khulu eSewula Afrika. Ukuhlaziya kwe-DNA kutshwaye bonyana i-Savignin ingenye eyizalileko. Nokho elinye ilwazi ngokuthi umhlobo lo uzalwa ngimuphi alikaqinisekiswa.

Imvelaphi/Indabuko

I-Chenin blanc inemvelaphi yayo endaweni ye-Anjou-Touraine ese-France. Umhlobo lo begade waziwa njenge-Chènere, kodwana igama lawo latjhugululwa ngesikhathi se-15th Century yabizwa nge-Chenin blanc, lasuselwa entabeni yesiphande, i-Mont Chenin.

Amanye Amagamawo

Franc-blanc, Franche, Pineau, Pineau de la Loir kanyePinot Blanco. ESewula Afrika kesinye isikhathi isathathwa njenge-Steen.

Ukukhiqizwa eSewula Afrika

Chenin blanc kukholelwa bonyana ihlangana neemilo nofana iinthelo zokuthoma ezafikela eKapa ngesikhathi saka-Jan van Riebeeck. Ithethwe njenge-Steen isikhathi eside begodu kukhe kwakholelwa imhlobo ohlukileko weSewula Afrika otjhugulukileke ukusuka ku-Chenin blanc, ukufikela phakathi eminyakeni yabo-1960s lapho uPhrofesa CJ Orfer, oyihloko ye-Viticulture eYunivesithi ye-Stellenbosch, waveza ngokukhulu ukuthembeka bonyana eqinisweni kuyi-Chenin blanc.

Kuneenzathu ezinengi ezisekela bonyana kubayini amaSewula Afrika amanengi ayithatha njenge-Steen. Umphathi u-Simon van der Stel, yena begade aqabanga bonyana amaderibe la imvelaphi yawo ngeye-German begodu begade awaqathanisa namawayini wezinga eliphezulu ama-German Stein wines.

Enye ihlathululo, kukuthi begade iqakatheke khulu nofana ngelimi le-Afrikaans ibizwa i-“hoeksteen” emkhakheni wokukhiqiza iwayini eSewula Afrika ngebanga layo lokuba likhabe nofana ukusebenziseka ngeendlela ezinengi kanye nokujayela indawo lula.

Umkhiqizo Weemphande

Atjalwe kizo zoke iimphande lapho kukhiqizwa khona iwayini eSewula Afrika, kuthi inengi lawo litholakala ngaphasi komkhiqizo we-Breedekloof, Olifants River, Paarl, Swartland kanyeWorcester.

Ukukhula Nokuthela Kwawo

Imithawo ikhula ngokuphakathi kanye nangobukhulu kemiye, kanti-ke isilinganiso somkhiqizwawo sibalelwa ukusuka ku-22t/ha to 23t/ha.

Ukuvuthwa Kwawo

Amaderibe la avuthwa kusese nesikhathi phakathi kwesikhathi sehlobo, ukusuka esiquntwini sesibili senyanga kaMhlolanja.

Umomori

Umomori wakhona mncani, uronjwana bese abenombala osarulana. Amakelwakhe athambile begodu amatsikana. Ilingaphakathi lawo linejuzi enengana.

Amakari

Amakarawo anesilinganiso sobukhulu esiphakathi, arondo begodu anombala ohlaza okumnyana.

Iintjhabalalisi kanye Namalwelwe

Imithawo ibuthakathaka naziza ekutjhwabeni kwangaphambi kwesikhathi, ukubola okwenza anambithe kumbi, atshutshureke kanye nokubola ekubizwa i-botrytis. Ukuvuthwa ngaphambi kwesikhathi kuwabangela bonyana ahlukunyezwe yikungu yethwasa hlobo.

Umsebenzawo

Atshwaywe njengomhlobo owenza imisebenzi eminengi khulu eSewula Afrika, njengombana asetjenziselwa ukukhiqiza iwayini yemvelo eyomileko ukuya kemnandi emhlophe yetafuleni, enganabala, kanye nalezo ezibizwa ngama-dessert and fortified wines. Injalo nje isetjenziselwa ukuvanga neminye imihlobo yeenthelo. ESewula Afrika ithathwa njenge phuma phambili ekukhiqizeni iwayini esezingeni eliphezulu le-Chenin blanc wines umhlaba zombelele.

Umnambitho

Abalimi eendaweni ezipholileko, ezifana ne-Elgin, bavamise ukukhiqiza iwayini engananngodo i-Chenin blanc wines evamise ukuba nombala ofipheleko kanye nomnambitho wesithelo. Abalimi eendaweni ezifuthumeleko, ezifana ne-Stellenbosch kanye ne-Franschoek, bavame ukukhiqiza amawayini wombala wegolide kanye newe-tropical flavours.Translated by Johannes Nkosinathi