Beskrywing
Chenin blanc is ’n witwynkultivar wat gebruik word om wyn, vonkelwyn en gefortifiseerde wyn, soos port, sjerrie en brandewyn, van te maak. Dit is die kultivar wat die wydste geplant word in Suid-Afrika. DNA analise het Savignin geïdentifiseer as een van die ouerplante waaruit Chenin blanc ontwikkel is. Die identiteit van die ander ouerplant is onseker.Oorsprong
Chenin blanc kom oorspronklik van Anjou-Touraine in Frankryk. Die kultivar was vroeër bekend as Chènere, maar die naam is in die 15de Eeu verander na Chenin blanc, na die berg in die streek, Mont Chenin.Ander Name
Franc-blanc, Franche, Pineau, Pineau de la Loir en Pinot Blanco. In Suid-Afrika word daar soms nog na die kultivar as Steen verwys.Produksie in Suid-Afrika
Daar word gemeen dat Chenin blanc onder die eerste wynstokkies was wat in goewerneur Jan van Riebeek se tyd in die Kaap geland het. Daar was lank na die kultivar as Steen verwys and selfs gedink dat dit ’n unieke Suid-Afrikaanse mutasie van Chenin blanc was.
In die mid-1960s het professor CJ Orfer, wat op daardie stadium die hoof van Wynboukunde by Stellenbosch Universiteit was, egter vasgestel dat die kultivar presies dieselfde is as die Chenin blanc wat sy oorsprong in Frankryk het. Verskeie redes word aangevoer hoekom Suid-Afrikaners na die kultivar as Steen verwys het.
Goewerneur Simon van der Stel, vir een, was onder die indruk dat die wyn van Duitsland afkomstig was en het dit met die beste Duitse Stein wyne vergelyk. ’n Ander rede is dat die kultivar, as gevoel van sy aanpasbaarheid en veelsydigheid, die hoeksteen, en daarom die naam Steen, van die Suid-Afrikaanse wynbedryf gevorm het.