Vho makhulu vha vho makhulu vhane vha lwa na vhushai na Aids

Alicia Mdaka na Beauty Skefile vha ṱalutshedza zwine GAPA (Grandmothers Against Poverty and Aids) tshigwada tsha khou vha thusa ngazwo kha matshilo avho na u kona u lavhelesana na mathada avho.

Vho makhulu vha GAPA

©Eric Miller
Ndi nga ya kha GAPA nda swika nda sokou dzula phanḓa ha television ndo khakhedzwa nga vhuṱungu hune nda khou vhupfa. Vhakegulu vha GAPA vho thusa vhukuma. Goldie Gayiya ovha a munwe wa vhafumakadzi we aḓa amba na nṋe, a mmbudza uri ene o lovhelwa nga vhana vhararu.

Ari kha nṋe Alicia ṅwananga muṱuku o lovha ndo muruma mavhengeleni ambo ḓi rwiwa nga lupenyo. Mutukana wanga muhulwane Vusi o lovha nga AIDS ndo vha ndo dzula tsini na mbete wawe musi atshi lovha zwo mmbavha vhukuma. Zwino Thumela wanga na ene o lovha nga AIDS nda vha vhulunga vhoṱhe, musi vha tshi khou nṱalutshedza tshiṱori tshavho vho vha vha tshi khou lila, nda zwihumbula uri nṋe athi ndoṱhe. Goldie o ṱanganedza thambulo yawe nahone una maanḓa. Nda ri na nṋe shango ḽanga aḽi nga ḓo guma Mudzimu una nṋe nga zwiṱuku nda dovha nda vha Alicia hafhu.

Musi ndi tshi khou vhilaela ndi hayani, ndi ya kha GAPA nda vha ṱalutshedza ngazwo. Vha ḓo nkhuthadza vha mpha na thikhedzo ine nda khou iṱoḓa. Nṋe ndo ima ndi nga si litshe GAPA. I mbiluni yanga. Mungana wanga wa tsini kha GAPA ndi Constance Sohema musi ndi mathadani ndi ya kona uya nḓuni yawe ri thoma ra gwadama ra rabela nda kona ha u muvhudza nga mathada anga. Ndi ene ane nda mufulufhela vhukuma.

Tshifhinga tsha GAPA kha vho- Beauty Skefile

©Eric Miller
Ndi ya funa uya kha GAPA, yo thusa vhukuma kha vhutshilo hanga. Ri a amba nga zwine zwa khou ri dina na hone hu si kale uya hangwa na zwauri ho vha huna tshithu tshine tsha khou u dina. Munwe uḓo amba hezwi uyu vho amba zwiḽa hu si kale ri ḓo wana ri tshi vho sea. Ndo vha ndi tshi ya ḓuvha ḽinwe na ḽinwe musi vhana vha tshikoloni, zwa zwino milenzhe yanga yo zwimba nga Arthritis thi tsha kona uya ndi tshi khou tshimbila.

Tshinwe tshifhinga ndi henengei minwe ai tendi u fara tshithu na tshithihi. Musi ndo ya kha GAPA ndo vha ndi tshi runga dzi nguvho na mipopi. Ndo vha nda runga na Mfitshi-mfitshi zwine zwa amba bits and Pieces ndi ipfi ḽa tshi Xhosa ḽa u amba murungo wo ṱanganelaho.

Tshinwe tshifhinga ndo vha ndi tshi runga nga mutshini tshinwe tshifhinga ndi tshi runga nga zwanḓa. Ndo runga misemelo ire mbeteni wanga nga zwanḓa zwanga. Zwinwe zwa zwithu ndo vha ndi sa zwiḓivhi ndi tshi kha ḓi vha muṱuku ndi khou zwiḓivha zwino ndo no hula.