Cape Hare
Mpfundla

© Nigel J Dennis

Vito

Mpfundla, leri I vito leri ringa duma ngopfu eka xihadyana lexi (lepus capensis). Kuna mixaka yo fika khume mbirhi ya mimpfundla laha Afrika.

Xivumbeko

Mpfundla wa xisati eka muxaka lowu wukurile kuhundza wa xinuna. Mintiko yakona ya hambana kusukela eka 1.5 -2.5kg. Mavoya ya wona yabasulukile nyana kuya eka braweni. Tindleve to leha na ncila wo basa. Mpfundla lowu wuhambanyiseka hiku olova swinene hikuva i wuntsongo nyana eka lowu hinga wutolovela wutlhela wuva wunga basangi e kwhirini ra wona.

Swakudya

Loko byasi kumbe swinsinyani swikumeka mpfundla watidyela. Kambe hintolovelo mpfundla wudya leswo olova swakudya. Hinkarhi lowu wu wisaka hiwona, wu humesa leswo tsindziyela ngopfu ngopfu navusiku.

Kutswalana

Mpfundla awuna nkarhi wotswala hikuva wutswala nkarhi wunwana na wunwana wa lembe hambi leswi kuvikiwaka leswaku wutswala ngopfu himinkarhi ya timpfula. Mpfundla wutswala kwalomu ka vana vanharhu hinkarhi endzaku kaloko wutava wu tike masiku ya 42. Vana vakona vatswariwa varina voya xikanwe na tiko wa 100grams. Vana vatswariwa vapfuleke mahlo naswona vakota kutwa no famba famba endzhaku ka 48 wa tiawara. Vana vakona va mamisiwa kuringana 10 wa timinete madyambu yanwana na yanwana. Kumamisa swihumelela kuringana mavhiki manharhu ntsena. Ku hava xisaka xokurisela ka xona vana.

Mahanyelo

Mpfundla wuti famba fambela woxe kambe lowu wunga eka xiyimo xaku endla masangu wulandzeleriwa hi wa xinuna kuringana nkarhi nyana wokoma. Mpfundla wu rhandza kutshama laha kunga pfuleka swinene, laha kungana byasi byo koma na lomu kunga tala byasi kambe kuva kupfulekile swinene.

Laha wu kumekaka kona

Mpfundla lowu wuhangalakile na tiko ra Afrika Dzonga, wutlhela wukumeka nale Botswana xikan’we nale ka tindhawu tinwani ta Namibia.