Bat-eared Fox
Nhleti
Vito
Nhleti (Otocyon megalotis)
Xivumbeko
Nhleti yina mavoya ya mpungwa, ncila wo tlhuma wa ntima nyana na ntila wa ntima laha henhla. Xihlawulekisi xaxona I tindleve letikulu leti nga ta ntima e handle kasi tibasa endzeni.Xikandza xo leha xitlhela xitontswa xiva xantima ehenhla xibasa e hansi. Xihadyani lexi xilehe 300mm la makatleni kasi kuleha ka xona hinkwako I 800mm. Ntiko wa xona hikwalomu ka 3-5kg.
Swakudya
Nhleti yina matinu ya ntsongo leswi endlaku leswaku xidya switsotswana, swihadyana leswintsongo na mihandzu. Swakudya leswi swidyiwaka ngopfu I muhlwa. Hikuva wu kumeka hi xitalo/ntlawa.
Kutswalana
Vana vambirhi kuya eka ntlhanu vatswariwa endzhaku kaloko xitikile 60 wa masiku. Vana vakumeka emahelweni ya Nhlangula kuya emasunguleni ya Sunguti. Vana valumuriwa endzhaku ka khume ra mavhiki. Kuringanela timhaka ta masangu swisungula eka lembe ra vumbirhi ra vutomi bya nhleti.
Mahanyelo
Nhleti yi tlhariha ngopfu navusiku kasi na nhlekani yiti tshamela nkeleni. Nhleti ya xinuna yi rindza laha kungana vana va yona loko leya xisati yiya lava swakudya. Nhleti yi rhandza kutumbela emabyasini lamantsongo kumbe swihlahla swoka swinga tlhumangi leswi endlaka leswaku swiyi olovela kuvona nala no phamela vana swakudya. Loko nhleti yi tsutsuma nala yi tumbela emabyasini yo leha kumbe xihlahla xotlhuma.
Laha swikumekaka kona
Nhleti yitele ngopfu e dzongeni nale vuxeni bya Afrika, ngopfu ngopfu laha ku kalaka mpfula kumbe yinga kona nyana. Sweswi yithlela yikumeka nale Cape Peninsula kuya Cape Agulhas. Handle ko xanisiwa kumbe ku dlawa hi van’wamapurasi nhleti yaha kumeka swinene.
Swo switiva
Nhleti yitolovele kufamba yi yise tindleve e hansi loko yirikarhi yi lava swakudya. Kufika laha yi yimaka, yiyingisela hivukheta ivi yi handza kumbe yitifambela. Tindleve ta yona tikota kutwa kufamba famba ka switsotswana naleswi swinga ehansi ka misava.
