White-Tailed Mongoose
Moselamotlhaka
Leina
Moselamotlhaka [Ichneumia albicauda]
Tebego
Ga gona pharologano ya mmele go bong ka bobedi, mme bo tshwana ka selebego. Boleele jwa mmele ke 1.1m fa bokete e le 4.3kg. Bobowa bo bosetlha jo bontshonyana, megatla e a bonala ka meritshana e meleele e mesweu. Maoto a mantsho, fa dirwe tsa ko pele di lebega di le khutshwane.
Phepo
Phepo ya moselamotlhaka ka bontsi ke ditshenyekegi, motlhwa, dikhukhwane, ditsie le dinyetse. E ja gape le bo-digwagwane, bo-magotlo le dinoga.
Tsadiso
E tlhatsa ngwana a le nosi go ya gole ba bararo ka nako morago ga go dusa dikgwedi di le pedi. Tsadisano e diragala ka bo Ngwanatsele, fa tsalo gantsi e le ka dikgwedi tsa selemo.
Maitshwaro
Moselamotlhaka ke mophela-nosi, le fa o a tle o phele ka setlhotshwana.
Tulo
Moselamotlhaka o dula mo dikgweng tse di nang le metsi a mantsi.
Di Fitlhelwa Kae
Kanamo ya ona mo Afrika Borwa e tloga kwa dikarolong tse di kwa botlhaba jwa Profense ya Bokone, go tsenelela ka Mpumalanga go ya kgakala kwa borwa jo bo lebileng East London.
Dintlha Tlhagiso
Ke nngwe ya Tshagane e e sa itsiweng thata, se se katswa se bakiwa ke gore e phela ka mafifi. Mme fela di modumo thata jaaka di bogola, modumo wa tsona o utlwala segolo bogolo fa e le nako ya tsadisano. Di ntsha metsi a monkgo o o sebodu gotswa mo kgelesweng fa di tshogile kana di le mo kotsing e le go itshireletsa.
