Bothata ka lefu la Newcascle ke hore ha bona matshwao, mme le qetella le ferekantshwa le mafu a mang. Nonyana ka kakaretso e hloka matla, ha e ikutlwe ho etsa letho, e ba monyebe le ho ba le kgatello ya maikutlo, empa ha ho be le matshwao a tshwaetso ntle le ho shwa ka tshoanyetso. Mapheo a nonyana a ferekanya mme ha e je jwalo ka mehla. Ntlheng ya ho behela, o ka bona lehe le se lewa, mme boleng ba lehe ke hore kgetla e ba bonolo kapa ha ena tshobotsi mme karolo e tshweu e ba metsi.
Matshwao a mang a itshetlehile karolong ya mmele o tshwaeditsweng. E tsholla metsi a matala kapa a masweu ke a mang a matshwao. Matshwao a moyeng atshwaetsang a kenyeletsa ho, ho feelwa, ho hohlola, fehelwa kapa ho ithimula. E ba le disaenase kapa hlooho e ya ruruha. Matshwao a tshosang ke ho thothomela, ho hulehamesifa, ho hloleha ho tsamaya le hoshwa ditho. Hlooho ya nonyana e kanna ya tjeka kapa ya kena pakeng tsa maoto mme nonyana e ka tsamaya ka mokgwa wa ho etsa sedikadikwe.
Ha ho etswa ditekotsa ka mora lefu, ho ka bonahala mahloko a latelang:
Madi a tswetseng ka mpeng.
Matheba a manyane mafureng a potolohang pelo kapa mala.
Metsi nkong le disaenaseng.
Peipi ya moya e ka ba kgubedu kapa e bontshe matheba a makgubedu ka hare.
Jawalo ka ho sena phodiso, dinonyana jwale di utlwa bohloko ho tswa ho lefu la Newcastle le lokelang ho sengwa. Ha e hlokometswe, setsebi sa phoofolo kapa vet e tla thusa ho laolale ho thibela lefu ho ata ka taolo ho arola le ente e potlakileng, ho ntsha tshwaetso le ho tjhesa matlakala a kgoho le ho shwa ha kgoho.
Tsela e nepahetseng ya ho thibela lefu ke ka ente le tshireletso. Hopola hore ke dinonyana tse phetseng hantle feela tse tla entwa. (Bala haholwanyane ka tshireletso e nepahetseng le thibelo).
Translated by Sebongile Sonopo