Go laetša go butšwa ga diterebe tša beine, bobedi bo bona bja borekhu bja terebe gammogo le diboka di a lekwa go bona ditšhupetšo tše di latelago tša go butšwa:
Laga ya Swikiri
Boesiti
Mmala
Tatso
pH
Ge borekhu le diboka di kgewa go dira diteko, hlokomela e swanetše go tšewa go se kge go tšwa lefelogn le tee fela ka ge karolo ye ya moterebe e ka ba e se kemedi ya poloko ka moka. Ekga go tšwa dikarolong tša go fapafapana tša moterebe, go tšwa ka ntle gammogo le ka methalading ya ka gare gommogo le ka mahlakoreng a ‘letšatši’ le ‘moriti‘ wa meterebe. Teko ya go kga diboka ka tlwaelo di dirwa fela ka morago ga mmalafatšo wa diboka o thomile, ge borekhu bo thoma go ba boleta, ka fao beke ye nngwe le ye nngwe e be letšatši le lengwe le lengwe la bobedi go fihla nakong ya puno. Dišupo tše di išwa laporotoring. Mo, borekhu di a šilwa, tša hlakanywa le dilaga tša swikiri, boesiti le pH di a metwa. Se se ngwalwa ka kgweditšatši, jarata ya moterebe goba go nomoro ya poloko le sebjalo sa sešupo se sengwe le se sengwe. Maano a koketšego ya go butšwa a ka dirwa le kgonagalo ya kgweditšatši la puno e ka akanywa go ya ka dipoelo.
Go tšea Dišupo tša Borekhu bja Terebe
Borekhu bja tše pedi goba tše tharo bo ka tšewa go tšwa bofaseng, bogareng le bogodimgong bja seboka, ka ntle le go kgetha borekhu bjo bo itšego goba go lebelela seboka. Go bohlokwa go kga borekhu go tšwa ka gare le ka ntle gammogo le ka mahlakoreng ka bobedi a methaladi ya moterebe. Ka tsela ye, sesupi e ka ba le kemedi ya jarata ya moterebe ka moka.Go tšea Dišupo tša Diboka tša Terebe
Ekga diboka ka moka ka gare le ka ntle ga moterebe, go tloga ka godimo le mahlakoreng a ka fase a moterebe gammogo le ka mahlakoreng ka bobedi a mathaladi. Go swana le go dira dišupo tša borekhu, o se kgethe diboka. Kopanya diboka ka moka tša ka paketeng gomme o tšwele pele go fihlela kemedi ya sešupo sa dijata ka moka tša meterebe di kgilwe.Translated by Lawrence Ndou