Ungakanani shukela
Umbala
Bunandzi
Acidity
pH
Nakukhiwa emagrabisi kwenmtelwa kubona kutsi sekavutsiwe, kufanele kwentiwe siciniseko kutsi awukhi endzaweni yinye, ngoba loko ngeke kusho kutsi wonkhe emagrabisi avutsiwe. Kufanele ukhe etindzaweni letingafani, ngekatsi phindze nangaphandle. Nalapho kunemtfunti khona phindze nalapho kungena lilanga khona. Lokukha kwentiwa lapho khona emagrabisi sekanembala khona phindze sekacala kutsamba.
Lamagrabisi atsatfwa ayiswe lapho atohlolwa khona. Lapha kufikwe kukhiphwe lejusi yemagrabisi, kwentelwe kubonwa kutsi shukela ungakanani kanye nalokunye lokunyenti. Loku kuyatsatfwa kubhalwe phansi, kubhalwe lilanga, lapho kutsatfwe khona kanye nesihlahla lokutsatfwe kuso. Kucubeka kwekuvutfwa kungabonwa bese lilanga lekuvuna selingacabangwa kutsi lingaba nini.
Kuhlola Emagrabisi
Kutsatfwa emagrabisi esikhehleni, atsatfwe noma ngangukuphi ungakhetsi. Kumcoka kutsi ukhe emagrabisi etihlahleni letisekhatsi naletingaphandle phindze kuwo wonkhe emalayini, ngasekudla nangesencele. Ngalena ndlela utokhona kubona kutsi emagrabisi sekavutfwe wonkhe.Kuhlola Tikhehle Temagrabisi
Kufanele ukhe tikhehla temagrebisi etindzaweni letahlukene, hhayi endzaweni yinye. Njengoba nawuhlola letikhehle, nalana ungakhetsi tikhehle kufanele uvele ukhe. Tsatsa letikhehle utifake ebhasikidini ute ube naletanele kwenta licwaningo.Translated by Phindile Malotana