Ukwenza imali Ngokukhiqiza iImfarigi - Ukuthengisa iImfarigi Ezifuyiweko

©Dr Jim Robinson
Lokha nawubeka iimfarigi zakho isikhathi eside eplasini kunanyana kuzokubiza khulu ukuzipha ukudla begodu kuba nengozi yokobana zingagula nanyana zilimale. Abafuyi batlhoga ukobana bazi isikhathi esihle sokuthengisa iimfarigi zabo, ngokuya ngesistimu yabo yomkhiqizo kanye nobujamo, umhlobo wemfarigi abazikhiqizako kanye nezinga lokukhula kwazo.

Iskhathi Sokuthengisa

©Glenneis Kriel
Iinlwane zingathengiswa ngesinye nesinye isikhathi kodwana ezisandukulisa ukumunya zithengiswa nazinemveke ezisithandathu lokha nazinobudisi obuhlangana kwe-9-10 kg ukungenisa imali, nanyana nazinemveke eziyi 10 ukuya ku-12 lokha nazinobudisi obuyi-25kg.

Zokwenza i-pork kanye ne-bacon zithengiswa lokha nasele zikhulile, ezifuyelwe ukwenza inyama nasele zinobudisi obuyi-70kg, zokwenza i-bacon nazinobudisi obuyi-75kg ukuya ku-95kg.

Ukukhulumisa Ngentengo

©National Pork Board and the Pork Checkoff, Des Moines, IA, USA.
Ukobana uzibize malini, imanual ebizwa bona yi-Pigs for Profit eyenziwe yihlangano ye-South African Pork Producers Organisation 'SAPPO' iphakamisa boa abafuyi basebenzise intengo esetjenziswa nje yokuthengisa i-bacon ngekhilogramu.

Intengo yalezo ezisandukulisa ibisi ezinobudisi obuyi 9-10 kg, zivamise bona intengo yazo iphandaphindeke kayi-24 kunentongo ebhadalwa ngekhilogramu yamfarigi ezithengiselwa ukwenza i-bacon zithengiswe ngentengo ephindaphindake kayi-30 kunaleyo yemfarigi ezisandukuyekela ukumunya ezinobudisi obuyi-25kg.

Intengo yemfarigi ezifuyelwe inyama iphezulu kuneyalezo ezifuyelwe ukwenza i-bacon.

Khuluma nabalimi ukuzwa bona bathengisa ngemalini, funda incwadi zezelimo ukuzijwayeza ngokobana kwenziwani eemarageni.

Uthengisaphi

©Glenneis Kriel
Kungabakumtjhapho omkhulu ukobana uthome irhwebo lokufuya iimfarigi, uthembe bona uzaba netjhudu lokiuzithengisa. Ukuthola imiphumela emihle, utlhoga ukobona bewuvikele imaraga ngaphambi kokobana ufake imali enengi erhwebenelo. Ukuthola imiphumela emihle, utlhoga ukubona imaraga lapha uzozithengisa khona ngaphambi kokobana ulobe imali enengi ebubulweni lakhwelo, kulula ukutjho kunokwenza ngombana abathengi abanengi bafuna ukubona umkhiqizwakho ngaphambi kokobana bawuthenge.

Ungathengisa ngokusebenzisa i-agent. Ama-agent akuthengisela ngokobana abeke intengo bajamele abakhiqizi ebuhlabelo obukhulu. Bakwenzela woke amalungiselelo ebuhlabelo, afana nokubhadala ubuhlabelo, imali yokuhlola kanye neyokubeka igreyidi yenyama bese bakhulumisana ngentengo abanga thengisa ngayo iimfarigi zakho ngelanga abazozihlisa ngalo.

Enye indlela ngeyokobana ubenegontraka ezijameleko nomninislaga, nanyana umrhwebi, okungabakuhle ngombana iintengo zivamise ukujanyiselwa iskhathi esithize okurhelebha ukuvikela abakhiqizi ekutjhugulukeni kwayo. Isitjhijilo lapha kukuba nomthamo owaneleko kanye nokobana ubalethele iimfarigi ezihle ngokungatjhuguluki. Abakhiqizi bangalwisana nesitjhijilwesi ngokobana bahlanganyele iinsetjenziswa kanye nemaraga yemikhiqizo yabo.

Iimfarigi zingathengiswa kuma-auctions, ebuhlabelo lokha nazikhona nanyana zihlatjwe emakhaya. Lokha nawufudusa iinlwane zakho eziphilako, abafuyi kufane, e baqiniseke bona banayo imvume yokuzifudusa, nakungasinjalo, iimfarigi zingathathwa, incwadi I-Pigs for Profit - iyelelisa ngokuthengisela iimfarigi abantu abakhamba iplasi neplasi bazithenga, ngombana kunerhonakalo ekulu yokobana bangaletha amalwelwe eplasini lakho.

Translated by Busisiwe Prudance Skhosana