Ukuqhazwa Kwesitjalo
I-Brinjal sitjalo esimakari amakhulu ahlaza. Sikhula sibe yimitha yinye ubude. Amathuthumbo waso ngaphambi kokobana kuvele isithelo abaphephuli okukhanyako.
Isithelwesi siphephulu ukuya embaleni onzima sibe nokumhlophe kungebangelo sibizwa bona sithelo esisaqanda ngombana sakhekhe Sajama njengeqanda.
Umsebenzaso
I-Eggplant nanyana i-Brinjal idliwe idriliwe, nanyana sifakwe izinto ngaphakathi kwaso, sirostiwe sidliwa nesobho kanye ne-stew, sidliwe godu kuma-kebabs, and sisetjenziswa ekwenzeni ama-currie kanye nama-stir fries.Iimfuneko Zehlabathi kanye Nokulungiselelwa kwaso
I-Brinjal ibhederisa ihlabathi eyisanda engabambi amanzi. Istjalwesi sivuma ihlabathi ene-pH ehlangana kwe-5.5 kanye ne-6.5. Ihlabathi kufanele ilungiswe ngezinto ezinganamakhemikhali phezulu ebudeni obuyi-40 yama-cm ngombana kulapha imirabhu eminengi ivela khona.
Ngaphambi kokobana kufakwe i-compost akupetwe, isimu ibemamitha ayi-100 cm ngombana eminye imirabhu yebrinjal ikhamba ifike emitheni linye ukuya phasi.
Indawo yalapha kutjalwe khona kufanele ipetwe ukuqiniseka bona ihlabathi yaphezulu ihlwengekile nokobana ileveli. Abanye abatjali batjala emibhedeni ephezulu ukwenzela bona ihlabathi itjenge amanzi lokha nabatjale ehlabathini ebamba amanzi.
Ubujamo Bezulu
I-Brinjal sitjalo esithanda ubujamo bezulu obufuthumeleko, begodu ikhula kuhle eenfundeni ze-tropical nanya ezitjhisako. Itjalwa godu eemfundeni ze-Mediterranean ezifuthumeleko.
Yesaba isithwathwa begodu ayisabe isakhula lokha amazinga womtjhiso angaphasi kwe-16°C. Ayikhuli kuhle godu lokha amazinga womtjhiso atjhisa ukudlula i-35°C. I-Brinjal iba yihle lokha itjalwe esifundeni lapha amazinga womtjhiso wemini newebusuku ahlangana kwe-18°C kanye ne-28°C.
Ama-Cultivars
Yi-Black King, Black Beauty, Florida Market, Long Purple, Imperial, Little FingersTranslated by Busisiwe Skhosana