Tlhalošo ya Sebjalo
Brinjal ke sebjalo sa matlakala a tala, a magolo le a go ba le mafofa gannyane. E gola ka botelele bjo ka bago metara o tee. Matšoba a pele a dikenywa a na le mmala wa seetša wo purapura.
Seenywa se na le mmala wo purapura wo o fifetšego gomme mehuta ye mengwe ke ye mešweu, ke ka lebaka leo e bitšwa seenywa sa lee kagore se na le sebopego sa oval, sa go swana le lee.
Šomišo
Sebjalo sa lee goba Brinjal e lewa e bešetšwe gomme e ka solwa bjalo ka disopo le stews le mo kebabs, e bile e ka šomišwa mo dijong tša khari le stir-fries.Dinyakwa tša Mmu le go Apea
Brinjal e rata mmu wa sehlaba le wa seloko le meela ya dithoto. Dibjalo di dira gabotse mo mmung wa go ba le pH wa magareng ga 5.5 le 6.5. Mmu o swanetše go beakanywa mo dibolang tša godimo ga 40 cm, ka ge moo, ke fao bontši bja medu e tšweletšago.
Pele ga go dira morole, tšhemo e swanetše go butšwa e be e lemollwa go ya botebong bjo bo ka bago 100 cm ka ge medu ye mengwe ya Brinjal e ka ya fase go feta metara o tee.
Lefelo la go bjala le swanetše go lengwa; go netefatša gore le hlwekile e bile le lekane. Balemi ba bangwe ba bjala mo mepeteng go kaonafatša meets mo mmung wo boima.
Boso
Brinjal ke sebjalo sa go rata boso bjo borutho gomme e tlhotšwe e bile e dira gabotse dileteng tša subtropical le tše di fišago. E tšweletšwa gape mo dileteng tša mo Mediterranean tše borutho.
E huetšwa ke tšhwaane ye kgolo gomme tlhabollo e a nokologa mo dithemperetšheng tša ka fase ga 16°C. Gape ga e dire botse ge themperetšha e ya godimo ga 35°C. Dipoelo tše kaone di fihlelelwa ge Brinjal e bjalwa ka fao bošego le mosegare dithemperetšha di fetoga magareng ga 18°C le 28°C.