Large-Spotted Genet
Insimba Emabala
Igama
Insimba emabala noma i-Cape Genet [Genetta tigrina]
Ibonakala kanjani
Insimba emabala inobude bamahlombe obuwu-210mm, nakuba lolu hlobo lunemilenze emifishane. Umzimba omude mude ngo-460mm nesisindo esiwu-1.6kg. Umsila owugqinsi oyindilinga omnyama nokumhlophe uwu-400mm ubude. Mafishane amazipho, ayabonakala kanti awokucaca izihlahla. Ngaphansi inemigqa yamabala ansundu nokumnyama. Izindingiliza ezimnyama zihlangana zibe yimigqa emqaleni. Simhlophe isisu.
Inamabala amhlophe ngasemlonyeni, ekhaleni nangezansi kwamehlo. Le nsimba ididaniseka nensimba emabala amancane, umehluko kube wumsila omhlophe ecosheni kwencane kunombala omnyama kwemabala makhulu. Omunye umehluko oqaphelekayo, ngamabala amnyama kuphela angenambala onsundu kwemabala mancane.
Zidlani
Ukudla kwayo okuningi ngamagundwane nezinye izilwane ezincane ezidla izinambuzane, kuthi izinyonka namaxoxo kube ngokunye ukudla ezikudlayo. Izilwane ezingenamgogodla wokunye ukudla okuncane ezikudlayo. Nezithelo ziyazidla.
Zizalana kanjani
Zivame ukuzala ngezinyanga zasehlobo. Insimba emabala izala amazinyane amathathu ngemva kokumitha izinsuku eziwu-70. Izimpawu zikhomba ukuthi amazinyane ahlala esidlekeni esingekho emgodini kuze kube ayalunyulwa ekunceleni.
Ziphila kanjani
Ziphila ngazodwa, zibe wumhlambi ngesikhathi sokukhwela. Zithanda izindawo ezinamahlathi namanzi, ikakhulu amahlathi acinene. Amahlathi acinene namanzi yizidingo-ngqangi kuzo.
Zitholakala kuphi
Insimba emabala itholakala eNingizimu Afrika yonke, kusukela ogwini oluseningizimu kuya kolusempumalanga KwaZulu-Natali, eMpumalanga naseLimpopo kuye kufinyelele emazweni angomakhelwane.
Eminye imininingwane
Kuhlukene ukudla kwazo kanti zidla notshani obuzisiza zikwazi ukugaya ukudla nokukhipha inyongo.
