Sauvignon Blanc

Ṱhaluso

Heyi ndi yone ine ya kona u bveledza veini tshena, ine ya vha ina muthetshelo mudala une wa nga una maṱari. Dzina heḽi nga tshi French zwiamba “wild white” zwine zwa amba uri i tou vha muḓuhulu wa vho makhulukuku vha si tshehoho hanengei French. Ndi inwe ya zwimela zwine zwa vha uri zwo ṱavhesiwa nga maanḓa nga kha shango.

Hune ya bva Hone

Yo ṱavhiwa kha ḽa france nga centuari ya vho 18, ya kona u tumbuliwa uri i kona u shuma kha u bveledza veini ubva Bordeaux na Loire Valley.

Maṅwe Madzina

I ḓivhiwa sa Feigentraube kha ḽa Germany, Muskat silvaner kha ḽa Austria. Fume Blanc kha ḽa United States,Sauvignon kha ḽa Cyprus, Portugal, Italy, Czech Republic, Slovakia na Slovania na Sauvignon Gros kha ḽa Romania.

Hune yo Bveledzwa hone kha ḽa Afrika Tshipembe

A zwi thu tou wanuluswa zwavhuḓi uri yo dzhenisa hani kha ḽa Afrika Tshipembe. Fhedzi yo vha yo ṱavhiwa Groot Constantia nga vho 1880s.

Nga mulandu wa u sa vha hone ha zwibveledzwa zwavhuḓi zwa uri i kone u mela zwo vho ḓo ita uri i tupuliwe ngauri yo vha i sa khou hula zwavhuḓi nga ṅwaha wa 1940s.

Fhedzi nga ṅwaha wa 1970 ya kona uvha i tshi khou hula nga mulandu wa uri vha wana zwishumiswa zwi sina zwitzhili zwi tshi bva kha vhalimisi hangei kha tshiimiswa tsha Nietvoorbij. Ṋamusi ndi inwe ya zwimela zwiṱanu zwine zwo ṱavhiweswa.

U Bveledzwa kha Madzingu

Hoyu muri u hula kha mavu o linganelaho fhethu hune ha rothola. Iya bveledziwa kha madzingu oṱhe a Afrika tshipembe tenda havha fhethu hune havha na u bveledzwa ha veini. Hangei Stellenbosch ndi hone hune ya tou vha hone nga vhuḓalo, ha tevhela Robertson, Swartland na Worcester. Ndi tshone tshiṅwiwa tshine tsho ṱavhiwa nga vhuḓalo kha dubo lwa kapa.

U Aluwa

Tshimela hetshi tshi a aluwa lu mangadzaho, yo linganelaho u bveledziswa ivha i henefha kha 9t/ha uya kha 13t/ha.

U Kaṋiwa

Dzi nḓirivhe hedzi dzi kaṋiwa mathomoni a khalaṅwaha henefha kha ṅwedzi wa Luhuhi.

Mitshelo

Mitshelo ina muvhala mudala wo yaho kha tshitopi, wa vho wo linganelaho kha muṱuku, na tshivhumbeo tshipfufhi tsho ṱanḓavhuwelaho matungo. Lukanda ndi lusekene lwa vha lutete, ngeno huna uri luḓi lwahone lutshi thetshela sa hatsi.

Maṱari

Maṱari ndi muvhala mudala wo dombilelaho, lo linganela ḽa vha ḽituku, ya vha na vhana vhaṱanu.

Zwivhulai na Malwadze

Ndi mutshelo une wa fhedziwa nga zwifhungu zwine zwa wanala kha maṱari musi o ṋukala, zwivhungu zwi a kona uḽa u swika kha ṱari, zwihulwane kha mavu matete, hezwi maṱari atshi vho thoma u khwaṱha. I huvhalelwa zwihulwane arali huna khuli kana hu fhethu hune ha rothola musi u tshi vho hula.

Mushumo

Vhunzhi ha hedzi veini ai vheiwi guḓani uri i kone u bikiwa. Musi yo ṱanganisiwa na semmillon i a kona u ḓivhalea. Ha vha na ine yavha yo tshinyala ine ya shuma u bveledza Noble Late harvest wine.

Muthetshelo

Hoyu muri u kona u bveledza veini ya vhuḓi na hone ine ya vha na muthetshelo wa vhuḓi arali i fhethu hune ha rothola, ya kona u bvisa muthetshelo une wa nga wa tropical na mutshelo wa tshitopi, ngeno huna uri arali i fhethu hune ha rothola i bvisa veini ine ya vha na spice na mishonga, sa mahatsi, nkhwe na mazwilu.Translated by Khalirendwe Nekhavhambe