Ruby Cabernet
Ṱhaluso
Heyi ndi veini tsuku ine yo tumbuliwa nga nwaha wa 1936 nga Harold Olmo ubva gudedzini ḽa California. Ngau tanganiswa ha Carignan na Cabernet Sauvignon.
Vhubvo
Vho dokotela Olmo ndi vhone vho bveledzaho Ruby Cabernet uri vha kone u thusa vhabveledzi vha veini kha ḽa California kha muri une wa konḓelwa u tshila musi hu tshi fhisesa.
Ruby Cabernet yo bveledzwa uri I kone u ita zwa ndeme zwine zwa itwa nga Cabernet Sauvignon na u konḓa ha Carignan. Muri wo bviswa nga nwaha wa 1948.
Fhedzi nga nwaha wa 1960 wo vha u tshi vho ḓivhea. Ngeno minwe miri i tshi kona uvha ya vhuḓi musi huna mutsho wavhuḓi, mithetshelo ya vhuḓi i bviswa musi muri wa veini u tshi khou hulela fhethu hune ha rothola.
Manwe Madzina
Ahuna
U Bveledzwa kha ḽa Afrika Tshipembe
Muri hoyu wo thoma u ṱavhiwa lwa u tou thoma kha ḽa Afrika Tshipembe nga nwaha wa 1982, na hone ubva zwezwo fhethu hune ya bveledzwa hone ho no swika 2 000 ha.
U Bveledzwa kha Madzingu
Muri hoyu uya ṱavhiwa hoṱhe hune ha ṱavhiwa miri ya u bveledza veini kha ḽa Afrika tshipembe hune Robertson na breedkloof ya vha uri ndi hone hune yo ḓalesa hone.
U Aluwa
Iya aluwa vhukuma ngauri iya kona u bveledza lwo no swika luṋa nga hectara u fhirisa Cabernet Sauvignon. U aluwa ha hone ndi henefha kha vhukati ha 20/ha uya kha 30/ha. Iya kona u kaṋiwa nga maanḓa arali yo ṱavhiwa fhethu hune ha vha hu hulwane.
U Kaṋiwa
I kaṋiwa u lenga kha khalanwaha ubva kha nwedzi wa Ṱhafamuhwe.
Mitshelo
Muri hoyu ubvisa mitshelo miṱuku ya tshivhumbeo tsho tanḓavhuwelaho matungo ine muvhala wa hone uya ya kha wa makole musi wo no tou vhibva. Lukanda lwo khwaṱha ngeno zwa nga ngomu zwi tshi nga maḓi kana mahatsi.
Maṱari
Maṱari ahone ndi mahulwane, avha na muvhala mudala, a penya avha na zwi vhanana zwiṱanu.
Zwiḽi na Malwadze
A i anḓani na murotholo wo kalulaho na zwivhungu.
Mushumo
Iya kona u bveledza veini ine ya vha yo ḓiimisa nga yoṱhe, fhedzi vhunzhi hadzo dzi shuma dzo vanganyiwa na dzinwe veini, iya ṱavhanya u hula u fhirisa Cabernet Sauvignon, na hone yo itelwa u ḓifha i tshe ṱhukhu.
Muthetshelo
Ina muthetshelo wa nḓirivhe na mahatsi
Translated by
Khalirendwe Nekhavhambe