Violet-backed Starling
Tshivhumbeo
Zwi lemela 45g, mbeu dzoṱhe dzi ya fhambana nga kuhulele. Ya tshinna nga nnṱha hayo ho ṱangana na tshitsu,mukulo na mabesu muvhala wa hone ndi phephulu. Nga fhasi hayo ndi muvhala mutshena u sa vhudziswi. Hoyu muvhala uya ita u tshi shanduka zwi tshi khou bva nga fhethu hune ya vha hone uri huna tshedza tshi ngafhani. Nga hafha kha mutshila na kha khwanḓa ya tsha tshinna ndi hu tsu, maṱo ana muvhala wo a tingeledzaho wa tshitopi ngeno one aṋe a buraweni. Ya tshisadzi a i nazwa u fhambana nga u hula. Phanḓa yayo uya murahu ndi buraweni na muvhala wo dombilelaho nga hafha vhukati ha mabesu. Mutumbu, mafhafha na mutshila a ya tshisadzi ndi buraweni yo dombilelaho. Mabesu a ṱhukhu ana muvhala wa buraweni yo no nga mavu, nga fhasi hayo ndi hu tshena havha na manwe mavhala ane avha uri asi manzhi o dombilelaho ane o vulea nga maanḓa atshi ḓa hafha hune ha vha na maḓamu. Milenzhe na mutshila ndi zwitsu, maṱo ana muvhala wa tshitopi wo tingeledzaho ngeno vhukati hao hu buraweni.
Kuḽele
Tshiḽa mitshelo. Iya ḽa na zwikhokhonono zwine zwa vha zwo wa kha maṱari a miri, kana zwo zwi hwala i tshi khou fhufha zwo katela na dzi alates.
Kubebele
Ndi tshiṋoni tshine zwithu zwa tsho tshi ya dzumba na hone tshi beba nga ṅwedzi wa khubvumedzi uya kha phando kha ḽa Zimbabwe na ḽa afrika tshipembe. Botswana ndi nga ṅwedzi wa tshimedzi uya kha luhuhi. Dzoṱhe ya tshisadzi na ya tshinna dzi ya hwala maṱari madala na zwinwe zwishumiswa zwi tshi khou itela u ita tshiṱaha. Kanzhi tshiṱaha tshi fhaṱiwa kha milindi ire kha miri hune ha vha hu 2 uya kha 3 m uya nnḓa mavuni. Zwiṱaha zwi ya fhaṱiwa na tsini na dzi ḓirata. Huna zwithu zwine zwa shumiswa zwine zwa vha zwone zwine zwa vhewa nga fhasi musi isaathu thoma u fhaṱa zwa vha zwone zwo no thoma zwi vha zwo tsa zwiṱuku zwiṱaha. Iya alamela makumba mavhili kana maṋa a muvhala mudala une wa vha na mutsuku une wa vhonalesa magumoni a kumba. U alamela zwiitwa nga ya tsadzi fhedzi lwa maḓuvha a 12 uya kha 14.
Kuitele
Kanzhi zwi ya wanala nga lugwada,, nga zwinwe zwifhinga hu zwa mbeu nthihi nga tsha zwo. Dzi ya wanala nga tshivhili -vhili nga zwifhinga zwa u dzekana dzi fhedzesa tshifhinga tshilapfu fhasi zwine zwi sa itiwe nga dzinwe dza lushaka lwadzo.
Nḓowelo
Dzi funesa maḓaka ane avha uri o vulea na fhethu hune ha vha na milambo. Dzi tshi khou tevhela miri ine ya vha na mitshelo ine ya i funa.
Hune dza wanala hone
Dzi ya wanala Namibia, Botswana,Zimbabwe,Mozambique na Africa tshipembe.
Latin Name
Cinnyricinclus leucogaster
