Violet-backed Starling
Kutiveta kwawo
Tikala ema gram lamashumi lamane nesihlanu bese lemilili inemibala lemibili lehlukene. Tindzawo letingetulu taletindvuna, kufaka ekhatsi silevu, chochocho kanye netimphiko tinelibala lelilikhwebeletane (iridescent). Tindzawo letingaphansi timhlophe kakhulu. Lelibala lihluka kusuka kubovu kushiyane ngalelilambu. Lomlomo nemilente yalendvuna imunyama, lamehlo anendingilizi lengaphandle lemtfubi legegelete umkhatsi lonsundvu. Lensikati ishoda lenye yalemibala lesetimphikweni. Lesimongo kuya emuva kwentsamo kanye nasemaceleni enhloko insundvu nelibala lelimnyama emkhatsini walokuvale tinsiba. Lolokuyivalile, ngentasi kwemgogodla, timphiko kanye nemsila yalensikati insundvu lotopele kanye nemigca lengatsi uhhwabile. Letimphiko tekucala tinelibala lelisabovu lonsundvu ngekhatsi. Tindzawo letingentasi timhlophe lonalokumnyamana ekhatsi, lokutenta tivuleke emabeleni. Umlomo walensikati kanye nemilente kumnyama, emehlo ayo analokumtfubi lokuyindingilizi ngephandle kanye nemkhatsi lonsundvu.
Kudla kwato
Lestarling lesilukhwebeletane ngelibala sidle titselo. Tiphindze tidle tilwanyana letitsatfwa emagalaneni noma letitsatfwa nakundizwa, lokufaka ekhatsi umuhlwa.
Kwakhiwa
Titsandza sitsembu futsi tihlala todvwa nakusikhatsi sekuhlangana. Tinsuku tekuhlangana tisuka ngenyanga yeMphala kuya kunyanga yeBhimbidvwane eZimbabwe kanye nase Ningizimu Afrika bese ngeMphala kuya ku Ndlovana kuse Botswana. Yomibili lemilili itfwala emacembe laluhlata bese letinye tintfo letakha tilulu. Letilulu tivama kwakhiwa emigodzini yetihlahla, lengagubheka ema mitha lamabili kuya kulasitfupha ngetulu kwemhlaba.letilulu tiphindze takhiwe etimbobeni talapho kubekwa khona tintfo kubofenisi. Bulongo buyasetjentiswa kucalela lesilulu, ingaba ngulenye indlela emgodzini lomkhulu. Emacandza lamabili kuya kulamane langatalelwa. Anelibala lelisibhakabhaka nemabadlana labovana losansundvu ngasekugcineni kwalelicandza. Kufukamela kwentiwa ngulelensikati kuphela sikhatsi lesimalanga lalishumi nakubili kuya kulalishumi nakune.
Kutiphatsa kwato
Ecinisweni titfolwa ngemihlambi lemincane, ngalesinye sikhatsi tehlukaniswe ngebulili bato. Ativami kwenta kuhlanganyela lokukhulu noma indzawo yekuphumulela khona. Tivama kutfolwa ngatimbili noma ngemacembu emindeni uma tihlanganiswa. Ticitsa sikhatsi sato lesincane emhlabeni hhayi njengema sterlings lamanyako.
Indzawo yato
Indzawo yato letiyitsandzako tiganga letinetjani netihlahlana kanye nemahlatsi langasemifuleni. Tilandzela indlela yetihlahla tetitselo.
Lapho titfolwa khona
Le starling lesilukhwebeleti ngelibala sitfolwa eNamibia, Botswana, Zimbabwe, Mozambique kanye nase South Africa.
Latin Name
Cinnyricinclus leucogaster
